రైల్వే గేట్ల వల్ల ప్రాజెక్టుల వల్ల ప్రతీ ఒక్కరూ ఏదో ఒక సమయంలో ఇబ్బంది పడే ఉంటారు. ముఖ్యంగా ట్రాఫిక్ సమస్యలతో నిత్యం నరకం చూస్తుంటారు కొందరు. అయితే ఇలాంటి రైల్వే గేట్ల వల్ల ఏర్పడుతున్న సమస్యలకు చెక్ పెట్టేందుకు కేంద్ర ప్రభుత్వం సిద్ధం అయింది. ముఖ్యంగా గుడివాడ పట్టణంలోని రైల్వే గేట్ల సమస్యల పరిష్కారం కొరకు రూ.400 కోట్ల నిధులను మంజూరు చేసింది. ఈ విషయాన్ని నేరుగా స్థానిక ఎమ్మెల్యే వెనిగండ్ల రాము వెల్లడించారు. అయితే వీటితోనే 8 రైల్వే పైవంతెనలు, అండర్ పాస్లు నిర్మించబోతున్నట్లు చెప్పారు.
కృష్ణా జిల్లాలోని గుడివాడ ప్రజలకు రైల్వే గేట్ల సమస్యలు తీరిపోనున్నాయి. రైలు రాగానే రైల్వే గేట్లు వేయడం దాని వల్ల ట్రాఫిక్ జామ్ అవడం, అదే ట్రాఫిక్లో ఎదురుచూడటం లాంటి సమస్యలు ఇక తీరిపోనున్నాయి. గుడివాడ పట్టణంలోని రైల్వే గేట్ల సమస్యను తొలగించేందుకు కేంద్ర ప్రభుత్వం భారీ నిధులను మంజూరు చేసింది.
రైల్వే గతి శక్తి పథకంలో భాగంగా గుడివాడకు రూ.400 కోట్లు కేటాయించినట్లు స్థానిక ఎమ్మెల్యే వెనిగండ్ల రాము తెలిపారు. బుధవారం స్థానిక ఆర్డీవో కార్యాలయంలో జరిగిన సమీక్షా సమావేశంలో ఎమ్మెల్యే వెనిగండ్ల రాము, ఆర్డీవో జి. బాలసుబ్రహ్మణ్యం, జాతీయ రహదారులు, రెవెన్యూ, ఇతర శాఖల అధికారులు పాల్గొన్నారు. ఈ సందర్భంగా ఎమ్మెల్యే మాట్లాడుతూ.. ప్రజల ప్రధాన అవసరాలను దృష్టిలో పెట్టుకుని గుడివాడ నియోజకవర్గంలో 8 రైల్వే బ్రిడ్జిలు, అండర్పాస్లు నిర్మించనున్నట్లు వెల్లడించారు. ఇందుకోసంం కేంద్రంలోని బిజెపి ప్రభుత్వం భారీగా నిధులు మంజూరు చేసినట్లు చెప్పారు. రూ.400 కోట్లు కేంద్రం నిధులు కేటాయించిందని పేర్కొన్నారు.
గూగుల్ మ్యాప్ల ఆధారంగా భూసేకరణ ప్రాంతాలను పరిశీలించి ఎదురయ్యే సమస్యలపై అధికారులతో చర్చించారు. నిధులు సమకూర్చడంలో ఎంపీ వల్లభనేని బాలశౌరి కీలక పాత్ర పోషించారని ఎమ్మెల్యే వెనిగండ్ల రాము అభినందించారు. ఈ కార్యక్రమంలో రాష్ట్ర గిడ్డంగుల సంస్థ ఛైర్మన్ రావి వెంకటేశ్వరరావు, గుడివాడ డీఎస్పీ వి. దీరజ్ వినీల్, టీడీపీ పట్టణ అధ్యక్షుడు దింట్యాల రాంబాబు తదితరులు పాల్గొన్నారు. పనులు వేగంగా పూర్తి చేయాలని అధికారులను ఎమ్మెల్యే ఆదేశించారు.
ప్రధాన ప్రాజెక్టు..
వై ఆకారంలో బ్రిడ్జి:
బేతవోలు – ధనియాలపేట మధ్య
అండర్పాస్లు:
మందపాడు, కేటీఆర్ కళాశాల రోడ్డులో
పై వంతెనలు:
బొమ్ములూరు, మోటూరు, డోకిపర్రు గేటు వద్ద
పై వంతెన, అండర్పాస్:
గుడ్లవల్లేరు ఇంజినీరింగ్ కళాశాల వద్ద
అండర్పాస్:
వడ్లమన్నాడు వద్ద
రచయిత గురించిజౌడి జ్యోతిజౌడి జ్యోతి సమయం తెలుగులో డిజిటల్ కంటెంట్ ప్రొడ్యూసర్గా పని చేస్తున్నారు. ఇక్కడ ఏపీ, తెలంగాణ, జాతీయానికి సంబంధించిన తాజా వార్తలు, రాజకీయ వార్తలు, ప్రత్యేక కథనాలు అందిస్తుంటారు. తనకు జర్నలిజంలో 7 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్, సినిమా ఇతర రంగాలకు సంబంధించి వార్తలు రాశారు.… ఇంకా చదవండి
