పాఠశాల విద్యార్థుల కోసం ఏపీ ప్రభుత్వం కీలక నిర్ణయం తీసుకుంది. జూన్ 12 నుంచి మధ్యాహ్న భోజనంలో సన్నబియ్యం అందించాలని నిర్ణయించింది. ఈ విషయాన్ని ఏపీ పౌరసరఫరాల శాఖ మంత్రి నాదెండ్ల మనోహర్ వెల్లడించారు. శుక్రవారం హైదరాబాద్‌లోని ఎర్రమంజిల్‌లో తెలంగాణ మంత్రి ఉత్తమ్ కుమార్ రెడ్డితో నాదెండ్ల మనోహర్ భేటీ అయ్యారు. ఈ సందర్భంగా పలు అంశాలపై చర్చించారు. అనంతరం మీడియాతో మాట్లాడిన నాదెండ్ల మనోహర్.. జూన్ 12 నుంచి మధ్యాహ్నభోజనంలో సన్నబియ్యం అందించనున్నట్లు తెలిపారు.
శుక్రవారం హైదరాబాద్‌లోని ఎర్రమంజిల్‌లో ఉన్న పౌరసరఫరాలశాఖ భవన్‌లో ఆంధ్రప్రదేశ్, తెలంగాణ మంత్రులు నాదెండ్ల మనోహర్, ఉత్తమ్‌కుమార్‌రెడ్డి భేటీ అయ్యారు. ఈ భేటీ ముగిసిన అనంతరం నాదెండ్ల మనోహర్ మీడియాతో మాట్లాడారు. ఈ సందర్భంగా ఏపీలో జూన్ 12 నుంచి పాఠశాలల్లో మధ్యాహ్న భోజనం కింద సన్న బియ్యం అందిస్తామని మంత్రి నాదెండ్ల మనోహర్ ప్రకటించారు. అలాగే వినియోగదారులకు మేలు రకమైన బియ్యం అందుబాటులో ఉంచాలనేదే తమ ఉద్దేశమన్నారు.
మరోవైపు మధ్యాహ్న భోజనంలో సన్న బియ్యం అందించాలనే నిర్ణయం గత ఫిబ్రవరిలోనే ఏపీ ప్రభుత్వం తీసుకుంది. ఆ మేరకు ఆంధ్రప్రదేశ్ మంత్రివర్గం కూడా ఆమోదం తెలిపింది. విద్యా శాఖ మంత్రి నారా లోకేష్ ఈ ప్రతిపాదన చేయగా.. మంత్రిమండలి ఆమోదం తెలిపింది. లోకేష్ ప్రతిపాదనకు పౌర సరఫరాల శాఖ మంత్రి నాదెండ్ల మనోహర్ సహకరిస్తామని అప్పట్లోనే చెప్పారు. తాజాగా జూన్ 12 నుంచి పాఠశాల విద్యార్థులకు మధ్యాహ్న భోజనానికి సన్నబియ్యం అందిస్తామని వెల్లడించారు.
మరోవైపు పాఠశాల విద్యార్థులతో పాటుగా, ఇంటర్మీడియట్ కాలేజీల్లో చదివే విద్యార్థుల కోసం కూడా ఏపీ ప్రభుత్వం మధ్యాహ్న భోజన పథకం అమలు చేస్తోంది. డొక్కా సీతమ్మ మధ్యాహ్న భోజనం పథకం ఈ కార్యక్రమాన్ని ఏపీ ప్రభుత్వం అమలు చేస్తున్న సంగతి తెలిసిందే. అయితే బియ్యం బాగాలేవనే కారణంతో కొన్నిచోట్ల విద్యార్థులు మధ్యాహ్న భోజనం తినకుండానే ఇళ్లకు వెళ్లిపోతున్న పరిస్థితి. ఈ నేపథ్యంలోనే పాఠశాల విద్యార్థులకు రుచికరమైన, నాణ్యమై ఆహారం అందించాలనే ఉద్దేశంతో ఆంధ్రప్రదేశ్ ప్రభుత్వం ఈ నిర్ణయం తీసుకుంది. వచ్చే విద్యాసంవత్సరం ప్రారంభం నుంచి ఈ కార్యక్రమం చేపట్టనున్నట్లు ఏపీ పౌరసరఫరాల శాఖ మంత్రి నాదెండ్ల మనోహర్ తెలిపారు.
రచయిత గురించివంకం వెంకటరమణవంకం వెంకటరమణ సమయం తెలుగులో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ క్రీడావార్తలతో పాటు జాతీయ, అంతర్జాతీయ వ్యవహారాలకు సంబంధించిన తాజా వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 6 సంవత్సరాల అనుభవం ఉంది. గతంలో ప్రముఖ మీడియా సంస్థల్లో స్పోర్ట్స్, పొలిటికల్ న్యూస్, ఇతర రంగాలకు సంబంధించి వార్తలు రాశారు.… ఇంకా చదవండి
