Andhra Pradesh Two New Universities,ఏపీలో కొత్తగా రెండు యూనివర్శిటీలు.. ఈ జిల్లాల్లోనే ఏర్పాటు, ప్రభుత్వం ఉత్తర్వులు – andhra pradesh govt orders for establishment of two new universities dr br ambedkar open university and sri potti sriramulu telugu university

ఏపీ ప్రభుత్వం స్టడీ సెంటర్ల గురించి కూడా ఒక నిర్ణయం తీసుకుంది. అన్ని స్టడీ సెంటర్లను డాక్టర్ బీఆర్ అంబేద్కర్ సార్వత్రిక విశ్వవిద్యాలయం పరిధిలోకి తీసుకువస్తారు. శ్రీశైలం, కూచిపూడి, రాజమహేంద్రవరంలో ఉన్న మూడు పీఠాలు పొట్టి శ్రీరాములు తెలుగు విశ్వవిద్యాలయం పరిధిలోకి వస్తాయి. ఇటు ప్రభుత్వం రాష్ట్రంలోని పాలిటెక్నిక్ కళాశాలలకు ప్రభుత్వం శుభవార్త చెప్పింది. 63 ప్రభుత్వ పాలిటెక్నిక్ కళాశాలల అనుమతులను పునరుద్ధరించింది. రాష్ట్రంలో మొత్తం 87 ప్రభుత్వ పాలిటెక్నిక్ కళాశాలలు ఉన్నాయి. వీటిలో 63 కళాశాలలకు అఖిల భారత సాంకేతిక విద్యామండలి (AICTE) ప్రస్తుత విద్యా సంవత్సరానికి అనుమతులు పొడిగించింది. దీనికి ప్రభుత్వం ఆమోదం తెలిపింది.

మరోవైపు పట్టణాల్లో తాగునీటి సమస్యను పరిష్కరించడానికి ప్రభుత్వం ఒక ముఖ్యమైన నిర్ణయం తీసుకుంది. తాగునీటి సరఫరా వ్యవస్థను మెరుగుపరచడానికి రూ.1,702.68 కోట్లతో ఒక ప్రాజెక్టును సిద్ధం చేసింది. ఈ ప్రాజెక్టు నివేదికను జాతీయ హౌసింగ్ బ్యాంకు ఆమోదం కోసం పంపనున్నారు. గత ప్రభుత్వం పట్టించుకోని ప్రాజెక్టులను పూర్తి చేయడానికి జాతీయ హౌసింగ్ బ్యాంకు నుండి రుణం తీసుకోవాలని ప్రభుత్వం నిర్ణయించింది.

రాష్ట్ర సమాచార కమిషనర్ల నియామకం కోసం ప్రభుత్వం ఒక కమిటీని ఏర్పాటు చేసింది. ఈ కమిటీ ఖాళీగా ఉన్న మూడు సమాచార కమిషనర్ల పోస్టులను భర్తీ చేస్తుంది. రాష్ట్ర ప్రభుత్వ ప్రధాన కార్యదర్శి ఈ కమిటీకి ఛైర్మన్‌గా ఉంటారు. న్యాయశాఖ కార్యదర్శి సభ్యుడిగా ఉంటారు. సాధారణ పరిపాలనశాఖ ముఖ్య కార్యదర్శి (రాజకీయ) మెంబర్ కన్వీనర్‌గా వ్యవహరిస్తారు. వచ్చిన దరఖాస్తులను పరిశీలించి, అర్హులైన వారిని స్క్రీనింగ్ కమిటీ సిఫారసు చేస్తుంది. ముఖ్యమంత్రి అధ్యక్షతన ఏర్పాటయ్యే కమిటీ కమిషనర్లను ఎంపిక చేస్తుంది.