ఆంధ్రప్రదేశ్ ముఖ్యమంత్రి నారా చంద్రబాబు నాయుడు మరో సరికొత్త ఆలోచన చేశారు. ప్రతి కుటుంబానికి ఫ్యామిలీ బెనిఫిట్ డిజిటల్ పాస్‌బుక్ విధానం అమలుచేయాలని నిర్ణయించారు. చంద్రబాబు ఢిల్లీ పర్యటనలో ఉన్న సంగతి తెలిసిందే. ఢిల్లీలో జరిగిన నీతి ఆయోగ్ సమావేశంలో మాట్లాడిన చంద్రబాబు రాష్ర్టంలో ఫ్యామిలీ బెనిఫిట్ డిజిటల్ పాస్‌బుక్ విధానం తేనున్నట్లు వివరించారు. అలాగే రాష్ట్రాభివృద్ధికి తీసుకుంటున్న చర్యలను వివరించిన చంద్రబాబు.. కేంద్ర ప్రభుత్వాన్ని సహకరించాలని చంద్రబాబు కోరారు.
ఈ క్రమంలోనే ఏపీ ముఖ్యమంత్రి నారా చంద్రబాబు నాయుడు మరో అడుగు ముందుకు వేశారు. రాష్ట్రంలోని ప్రతి కుటుంబానికి ఫ్యామిలీ బెనిఫిట్ డిజిటల్ పాస్‌బుక్ ఇవ్వాలని భావిస్తున్నారు. శనివారం ఢిల్లీలో జరిగిన నీతి ఆయోగ్ సమావేశంలో ముఖ్యమంత్రి నారా చంద్రబాబు నాయుడు పాల్గొన్నారు. ఈ సందర్భంగా రాష్ట్రంలోని ప్రతి కుటుంబానికి ఫ్యామిలీ బెనిఫిట్ డిజిటల్ పాస్‌బుక్ విధానం తీసుకురానున్నట్లు చంద్రబాబు వివరించారు. అలాగే డిజిటల్ గవర్నెన్స్‌లో భాగంగా గూగుల్ ఆర్టిఫిషియల్ ఇంటెలిజెన్స్ వంటి టెక్నాలజీలను ఉపయోగిస్తున్నట్లు చంద్రబాబు తెలిపారు.
చంద్రబాబు కొత్త ఆలోచన.. ప్రతి కుటుంబానికీ ఫ్యామిలీ బెనిఫిట్ డిజిటల్ పాస్‌బుక్..
అయితే ఈ ఫ్యామిలీ బెనిఫిట్ డిజిటల్ పాస్‌బుక్ విధానంపై మరింత స్పష్టత రావాల్సి ఉంది. ప్రభుత్వం నుంచి కుటుంబాలకు అందే సంక్షేమ పథకాల గురించి ఇందులో ప్రస్తావిస్తారా లేదా ఇతర వివరాలు ఏవైనా ఉంటాయా అనేది తెలియాల్సి ఉంది. మరోవైపు నీతి ఆయోగ్ సమావేశంలో మాట్లాడిన చంద్రబాబు.. ఆంధ్రప్రదేశ్ రాష్ట్రాభివృద్ధితో పాటుగా దేశాభివృద్ధికి తోడ్పడే అంశాలపై ప్రజెంటేషన్ ద్వారా వివరించారు. వికసిత్ భారత్-2047, స్వర్ణాంధ్ర విజన్ డాక్యుమెంట్ 2047పై నివేదిక ఇచ్చారు. పహల్గాం ఉగ్ర దాడిని ఖండించిన చంద్రబాబు నాయుడు.. ఆపరేషన్ సిందూర్‌ను ప్రశంసించారు. ఏపీని 2.4 ట్రిలియన్ డాలర్ల ఆర్థిక వ్యవస్థగా తీర్చిదిద్దే లక్ష్యంతో ప్రభుత్వం చేపడుతున్న చర్యలను, అమలు చేస్తున్న సంక్షేమ కార్యక్రమాలను చంద్రబాబు వివరించారు.
ఆంధ్రప్రదేశ్‌లోని వనరులను సద్వినియోగం చేసుకుంటూ రాష్ట్రాన్ని ప్రగతి బాటలో నడిపిస్తామని చంద్రబాబు నాయుడు తన ప్రజెంటేషన్‌లో వివరించారు. అంతర్జాతీయ ప్రమాణాలకు అనుగుణంగా విశాఖపట్నం నగరాన్ని తీర్చిదిద్దనున్నట్లువెల్లడించారు. విశాఖపట్నంలో నాలుగు జోన్ల ఏర్పాటుకు ప్రణాళికలు రూపొందిస్తున్నామని వివరించిన చంద్రబాబు.. అమరావతి, తిరుపతి, కర్నూలు నగరాలకు కూడా విశాఖ మోడల్‌ను విస్తరించేందుకు ప్రణాళికలు రచిస్తున్నట్లు వివరించారు. ఏపీ ప్రభుత్వం తీసుకుంటున్న చర్యలకు, ప్రణాళికలకు కేంద్ర ప్రభుత్వం సహకరించాలని చంద్రబాబు నాయుడు కోరారు.
రచయిత గురించివంకం వెంకటరమణవంకం వెంకటరమణ సమయం తెలుగులో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ క్రీడావార్తలతో పాటు జాతీయ, అంతర్జాతీయ వ్యవహారాలకు సంబంధించిన తాజా వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 6 సంవత్సరాల అనుభవం ఉంది. గతంలో ప్రముఖ మీడియా సంస్థల్లో స్పోర్ట్స్, పొలిటికల్ న్యూస్, ఇతర రంగాలకు సంబంధించి వార్తలు రాశారు.… ఇంకా చదవండి
