టాలీవుడ్ నటి అనసూయ, విలక్షణ నటుడు జగపతి బాబు ప్రధాన పాత్రలలో నటించిన సినిమా సింబా. సైకలాజికల్ థ్రిల్లర్ కథాంశంతో తెరకెక్కించిన ఈ సినిమాకు మురళీ మనోహర్ దర్శకత్వం వహించారు. ఈ సినిమాతోనే టాలీవుడ్ ఇండస్ట్రీలోకి దర్శకుడిగా అరంగేట్రం చేశాడు మురళీ మనోహర్. అలాగే ఈ చిత్రానికి సంపత్ నంది కథ, మాటలు అందించారు. ఈ మూవీలో వశిష్ట సింహా, దివి, శ్రీనాథ్ మాగంటి కీలకపాత్రలు పోషించగా.. పర్యావరణాన్ని పరిరక్షించాలనే విషయానికి థ్రిల్లింగ్ అంశాలను జోడించారు సంపత్ నంది. థియేటర్లలో విడుదలైన ఈ సినిమాకు పాజిటివ్ రెస్పాన్స్ వచ్చింది. కానీ రొటీన్ స్టోరీ కావడంతోపాటు.. అనుకున్నంత ఉండకపోవడంతో ఈ సినిమా కమర్షియల్ హిట్ కాలేకపోయింది. కానీ ఎప్పటిలాగే అనసూయ, జగపతి బాబు తమ నటనతో ప్రేక్షకులను అలరించారు. ఇక ఇన్నాళ్లు థియేటర్లలో మెప్పించిన ఈ సినిమా ఇప్పుడు ఓటీటీలోకి రాబోతుంది.
తాజా సమాచారం ప్రకారం ఈ సినిమా ప్రముఖ ఓటీటీ మాధ్యమం ఆహాలో సెప్టెంబర్ 12 నుంచి స్ట్రీమింగ్ కాబోతుంది. ఈ సినిమాలో సీనియర్ హీరోయిన్స్ గౌతమి, కస్తూరి కీలకపాత్రలలో నటించగా.. జగపతి బాబు గెస్ట్ రోల్ చేశారు. దీంతో ముందు నుంచి ఈ సినిమాలో జగపతి బాబు హీరో అనుకున్న అడియన్స్ కాస్త నిరాశకు గురయ్యారు. డైరెక్షన్, స్టోరీ పరంగా పాజిటివ్ రెస్పాన్స్ అందుకున్న ఈ సినిమా భారీ వసూళ్లు రాబట్టలేకపోయింది. ఈ చిత్రానికి కృష్ణ సౌరభ్ మ్యూజిక్ అందించాడు.
కథ విషయానికి వస్తే..
ఇవి కూడా చదవండి
అక్షిక (అనసూయ) ఓ స్కూల్ టీచర్. నడిరోడ్డుపై ఓ వ్యక్తిని హత్య చేస్తుంది. అలాగే జర్నలిస్ట్ ఫాజిల్ (శ్రీనాథ్), అతడి ప్రియురాలు ఇష్ట (దివి) కూడా ఓ హత్యకు పాల్పడుతారు. చనిపోతున్న వ్యక్తులు బిజినెస్ మెన్ పార్థకు సంబంధించినవారు కావడంతో ఈ కేసు మిస్టరీగా మారుతుంది. చివరకు అతడి తమ్ముడు కూడా హత్యకు గురవుతాడు. అయితే వీరిని అక్షిక, ఫాజిల్, ఇష్ట ఎందుకు చంపారు..? ఈ హత్యలకు పురుషోత్తమ్ రెడ్డికి (జగపతి బాబు)కు సంబంధం ఏంటీ ? అనేది సినిమా.
మరిన్ని సినిమా వార్తల కోసం ఇక్కడ క్లిక్ చేయండి.
