Nagababu Counter To Ys Jagan On Floods,’అయ్యా జగన్‌ గారు మూడేళ్ల క్రితం ఏం జరిగిందో మర్చిపోయారా.. మీ కోసమే గుర్తు చేస్తున్నా’: నాగబాబు – janasena party leader konidela nagababu counter to ys jagan comments on vijayawada floods

ఆంధ్రప్రదేశ్‌లో వరదలపై బురద రాజకీయం నడుస్తోంది. మాజీ ముఖ్యమంత్రి వైఎస్ జగన్ విజయవాడలోని వరద ప్రభావిత ప్రాంతాల్లో పర్యటించారు. చంద్రబాబు సర్కార్ నిర్లక్ష్యం వల్లే ఇదంతా జరిగిందని విమర్శించారు.. ఇది మనిషి సృష్టించిన విపత్తు అంటూ వ్యాఖ్యలు చేశారు. చంద్రబాబు ముందుగా జాగ్రత్తలు తీసుకుని ఉంటే ఈ పరిస్థితులు వచ్చేవి కావు అన్నారు. అయితే జగన్ చేసిన విమర్శలకు జనసేన పార్టీ నేత, మెగా బ్రదర్ నాగబాబు కౌంటర్ ఇచ్చారు. మానవ తప్పిదం వల్లే ఈ వరదలంటూ వ్యాఖ్యలు చేసిన జగన్‌కు తాను కొన్ని విషయాలను గుర్తు చేయాలనుకుంటున్నట్లు తెలిపారు. మాజీ ముఖ్యమంత్రి, ప్రస్తుత పులివెందుల ఎమ్మెల్యే జగన్ రెడ్డి కృష్ణానది వరదల విజిట్‌కి వచ్చి, వరదల్ని Man Made Disaster అని సెలవిచ్చారు. ఒకసారి తాను పేర్కొన్న అంశాలను చదవాలని కోరారు.’మూడేళ్ల క్రితం (2021) అన్నమయ్య ప్రాజెక్టు గేటు కొట్టుకుపోయి 44 మంది మృత్యువాత పడ్డారు. 15 మంది జాడ తెలియలేదు. ఐదు ఊర్లు పూర్తిగా నేలమట్టమయ్యాయి. వందలాది పశువులు చనిపోయాయి. ఎటుచూసినా కూలిన ఇళ్లు. ఇంకా గూడారాల మధ్యనే అనేకమంది నివాసం. చెయ్యేరులో పెద్ద ఎత్తున ఇసుక తవ్వుతారు. అందుకోసం నదిలో లారీలు దిగుతాయి. డ్యాం గేట్లు ఎత్తితే అవి వరదలో చిక్కుకుపోతాయి కాబట్టి, వాటిని పైకి తరలించే వరకూ డ్యాం గేట్లు ఎత్తనివ్వకుండా ఆపారనేది ప్రధాన ఆరోపణ. రాష్ట్ర ప్రభుత్వ ప్రాజెక్టుల నిర్వహణ లోపం వలనే అన్నమయ్య ప్రాజెక్టు గేటు కొట్టుకుపోయిందని, ఇది దేశంలో ఒక కేస్ స్టడీ అని కేంద్ర జలశక్తి మంత్రి గజేంద్రసింగ్ షేకావత్ పార్లమెంటులో అన్నారు’ అంటూ ప్రస్తావించారు.

‘దీన్ని అంటారు సార్… Man Made Disaster అని. ఒకసారి మీరు first class student కాబట్టి Natural Disaster కి Man made Disaster కి తేడా తెల్సుకోవాల్సిందిగా కోరుతున్నాను. మీరు డ్యాం గేటు సకాలంలో రిపేరు చేయకపోవడం వలన, మీ బృందం ఇసుక అక్రమంగా మితిమీరి రవాణా చేయడం వలన జరిగిన అన్నమయ్య డ్యాం కొట్టుకుపోవడాన్ని అంటారు *Man Made Disaster* అని గమనించగలరు. వీలైతే ముంపు ప్రాంతాల్ని పర్యటించి వరదల ద్వారా ఆస్తులు నష్టపోయిన బాధితుల్ని ఆర్ధికంగా ఆదుకుంటే బాగుంటుంది. విమర్శలే కాదు విపత్తు సమయంలో వీలైన సాయం కూడా చేస్తే బావుంటుంది అని విన్నవిస్తున్నాను’ అంటూ ట్వీట్ చేశారు.