బుడమేరు వరదలో ఓ సాఫ్ట్వేర్ ఇంజినీర్ శనివారం సాయంత్రం గల్లంతయ్యాడు. మచిలీపట్నానికి చెందిన కలిదిండి ఫణికుమార్ (40).. హైదరాబాద్లో సాఫ్ట్వేర్ ఉద్యోగం చేస్తున్నాడు. వినాయకచవితి పండగ సందర్భంగా శుక్రవారం తన స్వగ్రామానికి వెళ్లాడు. ఈ క్రమంలో శనివారం గన్నవరంలోని తన బంధువుల ఇంటికి వెళ్లి సాయంత్రం తిరిగి మచిలీపట్నం బయల్దేరాడు. అయితే, బంధువులు అతడికి విజయవాడ మీదుగా వెళ్లాలని, బుడమేరు ఉద్ధృతంగా ఉందని చెప్పినా వినిపించుకోలేదు. కేసరపల్లి- ఉప్పులూరు- కంకిపాడు మీదుగా మొండిగా వెళ్లి ప్రమాదాన్ని కోరి తెచ్చుకున్నాడు.కంకిపాడు వద్ద బుడమేరు వాగు వరద నీటిలో చిక్కుకున్నాడు. ఈ విషయం తెలిసిన పోలీసులు అక్కడకు చేరుకుని.. స్థానికుల సహాయంతో అతడ్ని రక్షించేందుకు ప్రయత్నించారు. చీకటి పడటంతో సహాయక చర్యలకు ఆటంకమేర్పడింది. చివరకు అతడు ప్రవాహంలో గల్లంతయ్యాడు. అతడి ఆచూకీ కోసం గాలింపు చర్యలు కొనసాగుతున్నాయి.
అటు, విజయవాడను వరద కష్టాలు వీడటం లేదు. వారం రోజులైనా పలు ప్రాంతాల్లో ఇంకా నడుములోతు నీళ్లు నిలిచే ఉన్నాయి. బంగాళాఖాతంలో ఏర్పడిన అల్పపీడన ప్రభావంతో శనివారం కూడా భారీ వర్షం కురిసింది. ఉదయం నుంచి ఏకధాటిగా కురిసిన వర్షాలతో సహాయక చర్యలకు ఆటంకం ఏర్పడింది. ఇక, బుడమేరుకు పడిన మూడు గండ్లను యుద్ధ ప్రాతిపదికన ఆర్మీ సహకారంతో అధికారులు పూడ్చివేశారు. ఇదిలా ఉండగా, మరోసారి బుడమేరుకు వరద పెరగడంతో కూటమి ప్రభుత్వం అప్రమత్తమైంది. అధికార యంత్రాంగాన్ని అలర్ట్ చేసిన ముఖ్యమంత్రి చంద్రబాబు నాయుడు.. ముంపు ప్రభావిత ప్రాంతాల్లోని ప్రజలను సురక్షిత ప్రాంతాలకు తరలించాలని ఆదేశించారు.
అటు, విజయవాడను వరద కష్టాలు వీడటం లేదు. వారం రోజులైనా పలు ప్రాంతాల్లో ఇంకా నడుములోతు నీళ్లు నిలిచే ఉన్నాయి. బంగాళాఖాతంలో ఏర్పడిన అల్పపీడన ప్రభావంతో శనివారం కూడా భారీ వర్షం కురిసింది. ఉదయం నుంచి ఏకధాటిగా కురిసిన వర్షాలతో సహాయక చర్యలకు ఆటంకం ఏర్పడింది. ఇక, బుడమేరుకు పడిన మూడు గండ్లను యుద్ధ ప్రాతిపదికన ఆర్మీ సహకారంతో అధికారులు పూడ్చివేశారు. ఇదిలా ఉండగా, మరోసారి బుడమేరుకు వరద పెరగడంతో కూటమి ప్రభుత్వం అప్రమత్తమైంది. అధికార యంత్రాంగాన్ని అలర్ట్ చేసిన ముఖ్యమంత్రి చంద్రబాబు నాయుడు.. ముంపు ప్రభావిత ప్రాంతాల్లోని ప్రజలను సురక్షిత ప్రాంతాలకు తరలించాలని ఆదేశించారు.
అటు, బంగాళాఖాతంలో ఏర్పడిన అల్పపీడనం ఉత్తర దిశగా పయనిస్తూ మరింత బలపడి వాయుగుండంగా మారింది. దీంతో కోస్తా జిల్లాలో ఓ మోస్తారు వర్షాలు కురుస్తాయని వాతావరణ శాఖ హెచ్చరించింది. శ్రీకాకుళం, పార్వతీపురం, మన్యం, విజయనగరం, అల్లూరి, తూర్పు గోదావరి, పశ్చిమ గోదావరి, ఏలూరు, ఎన్టీఆర్ కృష్ణ జిల్లాల్లో ఓ మోస్తారు వర్షాలు.. ఒకటి రెండు చోట్ల భారీ వర్షాలు కురిసే అవకాశం ఉందని తెలిపింది. ఆది, సోమవారాల్లో పలు చోట్ల భారీ నుంచి అతి భారీ వర్షాలు పడే అవకాశం ఉందని విశాఖ వాతావరణశాఖ అధికారులు తెలిపారు.
