దేశవ్యాప్తంగా బిగ్బాస్ రియాల్టీ షోకు ఉన్న క్రేజ్ గురించి చెప్పక్కర్లేదు. ఓవైపు విమర్శలు వస్తున్నప్పటికీ ఈ షోను వీక్షించే అడియన్స్ సంఖ్య తగ్గడం లేదు. తెలుగుతోపాటు హిందీ, కన్నడ, తమిళం, మలయాళంలోనూ ఈ షోకు మంచి రెస్పాన్స్ వస్తుంటుంది. ఇప్పటికే హిందీలో 17 సీజన్స్ కంప్లీట్ అయ్యాయి. ఇక తెలుగులో 7 సీజన్స్ విజయవంతంగా పూర్తికాగా.. ఇప్పుడు సీజన్ 8 రన్ అవుతుంది. సెప్టెంబర్ 1న ప్రారంభమైన తెలుగు బిగ్బాస్ సీజన్ 8లో మొత్తం 14 మంది కంటెస్టెంట్స్ హౌస్ లోకి అడుగుపెట్టారు. ఇక త్వరలోనే తమిళంలోనూ బిగ్బాస్ సీజన్ 8 స్టార్ట్ కానుంది. అయితే ఇన్నాళ్లు తమిళ్ బిగ్బాస్ షో హోస్ట్ గా కమల్ హాసన్ ఉన్నారు. కానీ ఇప్పుడు ఈ షో నుంచి ఆయన తప్పుకోవడంతో కమల్ స్థానంలోకి కోలీవుడ్ స్టార్ విజయ్ సేతుపతి వచ్చారు. ఇక నుంచి తమిళ్ బిగ్బాస్ షో హోస్ట్ గా మక్కల్ సెల్వన్ కొనసాగనున్నారు. ఈ విషయాన్ని తెలియజేస్తూ ఇదివరకే ప్రోమో రిలీజ్ చేశారు నిర్వాహకులు.
అయితే ఈ షో కోసం విజయ్ సేతుపతి తీసుకునే రెమ్యునరేషన్ గురించి ఇప్పుడు నెట్టింట పెద్ద చర్చే నడుస్తుంది. ఇటీవలే మహారాజా చిత్రంతో భారీ విజయాన్ని అందుకున్నారు. ఈ చిత్రం దాదాపు రూ.120 కోట్లకు పైగా వసూళ్లు రాబట్టింది. తమిళంతోపాటు తెలుగులోనూ ఈ చిత్రానికి మంచి రెస్పాన్స్ వచ్చింది. ప్రస్తుతం చేతినిండా సినిమాలతో బిజీగా ఉన్న విజయ్ సేతుపతి.. ఇప్పుడు బిగ్బాస్ హోస్ట్ గా బుల్లితెర అడియన్స్ ముందుకు రానున్నారు.
100 రోజులపాటు సాగే ఈ బిగ్బాస్ సీజన్ 8కు ఆయనకు భారీ మొత్తంలోనే ఆఫర్ చేశారట. ప్రతి శనివారం, ఆదివారం మాత్రమే బిగ్బాస్ స్టేజ్ పై సందడి చేయనున్నారు. అందుకు ఆయనకు సుమారు రూ.60 కోట్ల పారితోషికం ఇస్తున్నట్లు సమాచారం. ప్రస్తుతం విజయ్ సేతుపతి ఒక్కో సినిమాకు రూ.20 కోట్ల రెమ్యునరేషన్ తీసుకుంటున్నారని టాక్. అలాగే ఒక్క యాడ్ కోసం రూ. 1 కోటి వరకు తీసుకుంటారట. అలాంటింది… దాదాపు 100 రోజులు నడిచే బిగ్బాస్ సీజన్ 8 షో కోసం సేతుపతి తీసుకునే రెమ్యునరేషన్ చాలా తక్కువే అంటున్నారు ఫ్యాన్స్. ఇక కమల్ తర్వాత బిగ్బాస్ హోస్ట్ గా విజయ్ ఎంపిక కరెక్ట్ అంటున్నారు బిగ్బాస్ అభిమానులు. గతంలో ఈ షో కోసం కమల్ హాసన్ రూ.120 కోట్ల వరకు పారితోషికం తీసుకున్నారట.
మరిన్ని సినిమా వార్తల కోసం ఇక్కడ క్లిక్ చేయండి.
