AP Weather Today: ఆంధ్రప్రదేశ్‌లో వాతావరణం ఒక్కసారిగా మారిపోయింది. రాష్ట్రంలో రానున్న రెండు వారాల్లో విస్తారంగా వర్షాలు కురుస్తాయని వాతావరణ శాఖ తెలిపింది. బంగాళాఖాతంలో అల్పపీడనం ఏర్పడే అవకాశం ఉండటంతో పలు జిల్లాల్లో భారీ వర్షాలు కురిసే అవకాశం ఉంది. రైతులు ఆశించిన దానికంటే తక్కువ వర్షపాతం నమోదైంది. కానీ రాబోయే రోజుల్లో వర్షాలు కురుస్తాయని వాతావరణశాఖ చెబుతోంది. సెప్టెంబర్ నాటికి సాధారణం కంటే ఎక్కువ వర్షపాతం నమోదవుతుందని అంచనా.
హైలైట్:
- ఏపీకి వాతావరణశాఖ అలర్ట్
- అల్పపీడనాలు ఏర్పడే ఛాన్స్
- భారీ వర్షాలకు అవకాశం ఉంది
వాస్తవానికి ఏపీలోకి జూన్ నెలలోనే రుతుపవనాలు ప్రవేశించినా రాష్ట్రంలో ఆశించిన వర్షాలు పడలేదు. జూన్, జులై నెలల్లో చాలా ప్రాంతాల్లో వర్షాభావం ఏర్పడింది. జూన్ 1 నుంచి ఇప్పటి వరకు 288.8 మి.మీ వర్షం కురవాల్సి ఉండగా.. కేవలం 215.6 మి.మీ మాత్రమే నమోదైంది అంటున్నారు. అయితే ఆగస్టు నెలలో విస్తారంగా వర్షాలు కురిసే అవకాశం ఉందని అంచనాలు ఉన్నాయి. సెప్టెంబర్ నాటికి సాధారణం కంటే ఎక్కువ వర్షపాతం నమోదవుతుందని భావిస్తున్నారు. మళ్లీ వర్షాలు ఊపందుకుంటాయనే అంచనాలతో రైతులు ఆనందం వ్యక్తం చేస్తున్నారు.
రచయిత గురించితిరుమల బాబుతిరుమల బాబు సమయం తెలుగులో సీనియర్ డిజిటల్ కంటెంట్ ప్రొడ్యూసర్‌గా పని చేస్తున్నారు. ఆయన ఆంధ్రప్రదేశ్‌కు సంబంధించిన తాజా వార్తలు, ప్రభుత్వ పథకాలు, తిరుమల అప్డేట్స్, ఫ్యాక్ట్ చెక్ ఆర్టికల్స్, మౌలిక సదుపాయాల కల్పనకు సంబంధించిన కథనాలు, పాలిటిక్స్‌తోపాటు ప్రత్యేక కథనాలు అందిస్తుంటారు. ఆయనకు జర్నలిజంలో 13 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాష్ట్ర వార్తలు, పొలిటికల్ న్యూస్ రాశారు. గతంలో క్షేత్రస్థాయిలో పొలిటికల్ సర్వేల్లో పాల్గొన్న అనుభవం తిరుమల బాబుకు ఉంది. ఆంధ్రప్రదేశ్ అసెంబ్లీకి ఎన్నికలకు సంబంధించి మూడు ఎన్నికల కోసం జర్నలిస్టుగా పని చేసిన అనుభవం ఆయనకు ఉంది. ఆచార్య నాగార్జున యూనివర్సిటీ నుంచి తిరుమల బాబు జర్నలిజంలో పీజీ పూర్తి చేశారు. ఉత్తమ పనితీరు కనబర్చినందుకు గానూ 2024లో తిరుమలబాబు టైమ్స్ ఇంటర్నెట్ నుంచి సూపర్ స్టార్ అవార్డును అందుకున్నారు.… ఇంకా చదవండి
