పోతారు.. మొత్తం పోతారు.! స్త్రీ 2 సినిమాకు సరిగ్గా సరిపోతుందిప్పుడు ఈ మాట. ఎవరనుకున్నారు ఈ సినిమా విడుదలైనపుడు.. బాలీవుడ్లోనే కాదు ఇండియాలో బిగ్గెస్ట్ గ్రాసర్ అవుతుందని.? ఎవరనుకున్నారు షారుక్ ఖాన్ సహా..
అందరి రికార్డ్స్ను మడతపెడుతుందని..! ఊహించనిదే.. ఊహకందనిదే జరిగింది. స్త్రీ 2 దెబ్బకు రికార్డుల షేపులు మారిపోయాయి. బాహుబలి 2 లేదు.. పఠాన్ లేదు.. యానిమల్ లేదు.. అందర్నీ ఇంటికి పంపించేసింది స్త్రీ 2.
బాలీవుడ్ హిస్టరీలోనే బిగ్గెస్ట్ గ్రాసర్గా నిలబడటానికి కేవలం 20 కోట్ల దూరంలో నిలిచింది ఈ చిత్రం. ఆ లాంఛనం కూడా నేడో రేపో పూర్తి కానుంది. 4వ వారంలోనూ స్త్రీ 2 కలెక్షన్స్ మామూలుగా లేవు.
ఇప్పటి వరకు కేవలం హిందీలోనే 558 కోట్లు వసూలు చేసింది ఈ చిత్రం. హిందీలో ఇప్పటి వరకు కేవలం 6 సినిమాలు మాత్రమే 500 కోట్లు వసూలు చేసాయి. అందులో స్త్రీ 2 కూడా ఒకటి. 2017లో బాహుబలి 2తో తొలిసారి 500 కోట్లు వసూలు చేసారు ప్రభాస్.
ఆ తర్వాత ఏడేళ్ళలో గదర్ 2, పఠాన్, జవాన్, యానిమల్ మాత్రమే హిందీలో సోలోగా 500 కోట్లు వసూలు చేసాయి. మళ్ళీ ఇందులో యానిమల్, జవాన్ మాత్రమే 550 కోట్లు దాటాయి.
జవాన్, యానిమల్ తర్వాత 550 కోట్లకు పైగా వసూలు చేసిన మూడో సినిమాగా స్త్రీ 2 చరిత్ర సృష్టించింది. ఈ చిత్ర దూకుడు చూస్తుంటే 577 కోట్లతో జవాన్ పేరు మీదున్న హైయ్యస్ట్ కలెక్షన్స్ రికార్డ్ క్రాస్ చేసేలా కనిపిస్తుంది.
సెప్టెంబర్ 27న దేవర వచ్చే వరకు పెద్ద సినిమాలేం లేవు. దాంతో కచ్చితంగా స్త్రీ 2 ఆల్ టైమ్ రికార్డ్ సృష్టించడం ఖాయమైపోయింది.
ఇప్పటి వరకు హిందీలోనే 558 కోట్ల కలెక్షన్స్
హిందీలో 6 సినిమాలకు మాత్రమే 500 కోట్ల క్లబ్బులో చోటు
2017లో బాహుబలి 2తో తొలిసారి 500 కోట్లు
ఆ తర్వాత గదర్ 2, పఠాన్, జవాన్, యానిమల్ ఎంట్రీ
550 కోట్లకు పైగా వసూలు చేసిన జవాన్, యానిమల్
తాజాగా ఈ లిస్టులోకి ఎంట్రీ ఇచ్చిన స్త్రీ 2
577 కోట్లతో హైయ్యస్ట్ కలెక్షన్స్ రికార్డ్ సృష్టించిన జవాన్
