Kadapa District Urdu Language Problem,నాకు ఉర్దూ రాదు, విద్యార్థులకు తెలుగు రాదు.. పాఠం ఎలా చెప్పాలి, ఈ ప్రభుత్వ టీచర్ కష్టాలు వింటే! – maths teacher faced language problem in urdu school at kadapa district

కడప జిల్లాలో ఓ టీచర్‌కు విచిత్రమై పరిస్థితి ఎదురైంది. ఆయన సమస్య గురించి తెలిసి అందరూ అవాక్కవుతున్నారు.. పిల్లలకు పాఠం ఎలా చెప్పాలి అంటూ ఏకంగా డీఈవోకు మొరుపెట్టుకున్నారు. కడప జిల్లాకు చెందిన వెంకటరమణారెడ్డి గణిత ఉపాధ్యాయుడు. కడప జిల్లా కమలాపురం మండలం తురకపల్లి ఎంపీపీ స్కూల్లో పనిచేస్తున్నారు. అయితే మిగులు ఉపాధ్యాయుల సర్దుబాటులో భాగంగా టీచర్ వెంకటరమణారెడ్డిని.. గత ఆగస్టు 30న కడప అగడి వీధిలోని ఉర్దూ పాఠశాలలో గణిత ఉపాధ్యాయుడిగా సర్దుబాటు చేశారు.వెంకటరమణారెడ్డి ఉర్దూ స్కూల్లో విద్యార్థులకు ఆంగ్ల మాధ్యమంలో గణితం చెబుతున్నారు. అయితే అక్కడ స్కూల్లో విద్యార్థులకు సందేహాలు వస్తే ఉర్దూలో ప్రశ్నలు అడుగుతున్నారు.. ఈయనకు ఉర్దూ రాదు. దీంతో తనకు ఎలా సమాధానం చెప్పాలో అర్థం కావడం లేదని ఆవేదన వ్యక్తం చేశారు. ‘నాకు ఉర్దూ భాష రాదు.. ఆ విద్యార్థులకు తెలుగు రాదు. నన్ను ఈ పాఠశాల నుంచి మార్చండి’ అంటూ డీఈవోకు లేఖ రాశారు. వెంకటరమణారెడ్డి సమస్యపై అధికారులు ఎలా స్పందిస్తారన్నది ఆసక్తికరంగా మారింది.

ప్రస్తుతం విద్యా సంవత్సవరం మధ్యలో ఉంది.. ఇలాంటి సమయంలో వెంకటరమణారెడ్డిని అక్కడి నుంచి మరో చోటికి బదిలీ చేస్తారా అన్నది చూడాలి. ఆయన మాత్రం ఉర్దూ స్కూల్ కావడంతో ఇబ్బందిగా ఉందని చెబుతున్నారు. అందుకే తాను డీఈవోకు లేఖ రాసి తన సమస్యను చెప్పుకున్నాను అంటున్నారు. మొత్తం మీద ఈ విచిత్రమైన సమస్య గురించి తెలిసి అందరూ అవాక్కవుతున్నారు. మరి అధికారులు ఈ సమస్యను ఎలా పరిష్కరిస్తారో చూడాలి మరి.

వరద బాధితులకు సాయం

విజయవాడ వరద బాధితులకు రాయలసీమ డయాసిస్‌ బిషప్‌ ఐజక్‌ వరప్రసాద్‌ సాయం అందించారు. తమ వంతు చేయూతగా 15 రకాల నిత్యావసర సరకుల పంపిణీ చేస్తున్నట్లు తెలిపారు. రాయలసీమ వ్యాప్తంగా చర్చిల ద్వారా వీటిని సేకరించినట్లు తెలిపారు. సుమారు రూ.20 లక్షల విలువ చేసే నిత్యావసరాలను విజయవాడకు పంపించారు. విజయవాడలోని వరద బాధితులను ఆదుకోవడానికి మదనపల్లెలో బియ్యం, నిత్యావసర సరకులు, దుప్పట్లు, గ్యాస్‌పొయ్యిలు సేకరించారు. సుమారు 5 వేల మంది బాధితులకు సరిపడా నిత్యావసర సరకులను పంపించారు. రెండు లారీల్లో రూ.50 లక్షల విలువైన నిత్యావసర సరకులతోపాటు 500 గ్యాస్‌పొయ్యిలు తరలించారు. వరదబాధితుల సహాయార్థం ఎమ్మెల్యే రూ.5 లక్షలు విరాళంగా ఇస్తానన్నారు ఎమ్మెల్యే షాజహాన్‌ బాషా. స్వయం సహాయ సంఘాల సభ్యులు ఎమ్మెల్యే ద్వారా రూ.2.70 లక్షలు.. అంతేకాదు మదనపల్లె టమాట మార్కెట్‌లోని కమీషన్‌ మండీ యజమానులు లారీ టమాటాలు.. టీటీడీ బీసీ విభాగం నేత నాగయ్య 4 టన్నులు టమాటాలను వరద బాధితులకు విరాళంగా అందజేశారు.