చంద్రగిరి నియోజకవర్గం టీడీపీ ఎమ్మెల్యే పులివర్తి నాని ఆటోడ్రైవర్ అవతారం ఎత్తారు. తిరుపతి సమీపంలోని శ్రీనివాస మంగాపురం నుంచి రఘునాథ్ రిసార్ట్స్ వరకూ ఆటో నడిపారు. ఏసీ కారును పక్కనబెట్టి కార్యకర్తలను, నేతలను కూర్చొబెట్టుకుని ఆటో నడిపారు. అయితే ఎమ్మెల్యే కారు విడిచి ఆటో నడపడం వెనుక కూడా ఓ కారణం ఉందండోయ్. కార్యకర్త కళ్లల్లో ఆనందం కోసం.. కారు వదిలి ఆటో ఎక్కారు పులివర్తి నాని. అసలు విషయానికి వస్తే.. తిరుపతి రూరల్ మండలం, సాయినగర్ పంచాయతీకి చెందిన టీడీపీ కార్యకర్త ప్రకాష్ ఇటీవలే ఓ ఆటో కొన్నారు. కుటుంబాన్ని పోషించుకోవడం కోసం ఆటో కొనుక్కుని.. నడపాలని నిర్ణయించుకున్నారు. అయితే తన అభిమాన ఎమ్మెల్యేకు అది చూపించాలని ప్రకాష్ ఆశ.
ఇక చంద్రగిరి ఎమ్మెల్యే పులివర్తి నాని శ్రీనివాస మంగాపురం వస్తున్న విషయం ప్రకాష్ తెలుసుకున్నారు. శ్రీనివాస మంగాపురం వద్ద తాటి బెల్లం కాఫీ సెంటర్ ప్రారంభానికి ఎమ్మెల్యే వస్తున్నట్లు ప్రకాష్‌కు తెలిసింది. దీంతో ఆటోను తీసుకుని అక్కడకు వెళ్లారు ప్రకాష్. ప్రారంభోత్సవం తర్వాత పులివర్తి నాని దగ్గరకు వెళ్లి ఆటోను కొన్నానంటూ సంతోషంతో ఆయనకు చూపించారు. ఆటోలో ఒక్కసారి ఎక్కాలని కోరారు. దీంతో ఎమ్మెల్యే పులివర్తి నాని ప్రకాష్‌ను అభినందించారు. సొంత కాళ్ల మీద నిలబడాలనే ఆయన ఆలోచనను మెచ్చుకున్నారు. ఆ తర్వాత ప్రకాష్ ఆనందం కోసం ఆటోడ్రైవర్ ప్రకాష్‌ను పక్కన కూర్చోబెట్టుకుని శ్రీనివాస మంగాపురం నుంచి రఘనాథ రిసార్ట్స్ వరకూ ఆటోను నడిపారు. ఆటో డ్రైవర్ ప్రకాష్‌కు 500 రూపాయలు బోణి చేసి అభినందించారు.
ఇక చంద్రగిరి ఎమ్మెల్యే పులివర్తి నాని శ్రీనివాస మంగాపురం వస్తున్న విషయం ప్రకాష్ తెలుసుకున్నారు. శ్రీనివాస మంగాపురం వద్ద తాటి బెల్లం కాఫీ సెంటర్ ప్రారంభానికి ఎమ్మెల్యే వస్తున్నట్లు ప్రకాష్‌కు తెలిసింది. దీంతో ఆటోను తీసుకుని అక్కడకు వెళ్లారు ప్రకాష్. ప్రారంభోత్సవం తర్వాత పులివర్తి నాని దగ్గరకు వెళ్లి ఆటోను కొన్నానంటూ సంతోషంతో ఆయనకు చూపించారు. ఆటోలో ఒక్కసారి ఎక్కాలని కోరారు. దీంతో ఎమ్మెల్యే పులివర్తి నాని ప్రకాష్‌ను అభినందించారు. సొంత కాళ్ల మీద నిలబడాలనే ఆయన ఆలోచనను మెచ్చుకున్నారు. ఆ తర్వాత ప్రకాష్ ఆనందం కోసం ఆటోడ్రైవర్ ప్రకాష్‌ను పక్కన కూర్చోబెట్టుకుని శ్రీనివాస మంగాపురం నుంచి రఘనాథ రిసార్ట్స్ వరకూ ఆటోను నడిపారు. ఆటో డ్రైవర్ ప్రకాష్‌కు 500 రూపాయలు బోణి చేసి అభినందించారు.
మరోవైపు ఇటీవల ఆర్టీసీ బస్సులను ప్రారంభించిన పులివర్తి నాని.. బస్సు డ్రైవింగ్ చేసి అందరినీ ఆశ్చర్యపరిచారు. బుధవారం కార్యకర్త ఆనందం కోసం ఏకంగా 15 కిలోమీటర్ల దూరం ఆటోను నడిపి మరోసారి కార్యకర్తలను ఆశ్చర్యపరిచారు. కార్యకర్త కోరిక మేరకు, అతడి ఆనందం కోసం విలాసవంతమైన ల్యాండ్ క్రూజర్ కారును పక్కనపెట్టి.. నాయకులను ఆటోలో వెనుక కూర్చోబెట్టుకుని నడపటంపై తెలుగుదేశం పార్టీ శ్రేణుల నుంచి హర్షం వ్యక్తమవుతోంది. ఇది తెలిసిన నెటిజనం కూడా పులివర్తి నాని కార్యకర్తలకు ఇచ్చే గౌరవాన్ని మెచ్చుకుంటున్నారు. ఎన్నికలు పూర్తయ్యాయి.. ఇక వారితో పనేముందిలే అనుకునే నేతల మధ్య కార్యకర్తల సంతోషం కోసం పనిచేసే వ్యక్తి అని మెచ్చుకుంటున్నారు.
