Andhra Pradesh Drought Mandals List Released: ఆంధ్రప్రదేశ్లో కరవు మండలాలపై స్పష్టత వచ్చింది. మూడు జిల్లాల్లో కరవు మండలాలు ఉన్నాయి. శ్రీసత్యసాయి జిల్లాలో 25, అన్నమయ్యలో 9, ప్రకాశంలో 3 మండలాలను కరవు ప్రభావిత ప్రాంతాలుగా ప్రకటించారు. దీంతో పంట నష్టపోయిన రైతులకు ప్రభుత్వం అండగా నిలవాలని కోరుతున్నారు. మరోవైపు, ఏపీ టిడ్కోకు రూ.540 కోట్ల నిధులు విడుదలయ్యాయి. మైనారిటీలకు ఉచిత టెట్ కోచింగ్ కూడా ప్రారంభం కానుంది.
హైలైట్:
- ఏపీలో కరవు మండలాల జాబితా విడుదల
- మూడు జిల్లాల్లో కరవు మండలాలు ఉన్నాయి
- సత్యసాయి 25, అన్నమయ్య 9, ప్రకాశం 3
ఏపీ ప్రభుత్వం అప్డేట్స్
మరోవైపు ఆంధ్రప్రదేశ్ రాష్ట్ర పట్టణ మౌలిక సదుపాయాల కల్పన సంస్థ(టిడ్కో)కు నిధులు విడుదలయ్యాయి. ఈ మే రకు రూ.540 కోట్ల విడుదలకు ప్రభుత్వం పరిపాలన అనుమతులిచ్చింది. హడ్కో నుంచి తీసుకున్న రుణం చెల్లించేందుకు ఈ మొత్తాన్ని మంజూరు చేసింది. ఈ నిధులకు సంబంధించి పురపాలక పట్టణాభివృద్ధిశాఖ ఉత్తర్వులు జారీ చేసింది. మైనారిటీ అభ్యర్థులకు ఉచితంగా టెట్ పరీక్ష కోచింగ్ ఇవ్వనున్నట్లు మంత్రి ఎన్ఎండీ ఫరూక్ ప్రకటించారు. నవంబర్ మొదటి వారం నుంచి ఆన్లైన్, ఆఫ్లైన్ తరగతులు ప్రారంభమవుతాయి. ఆసక్తి గలవారు సీఈడీఎం వెబ్సైట్లో దరఖాస్తు చేసుకోవాలని సూచించారు. మైనారిటీల విద్యాభివృద్ధి కోసం పనిచేస్తున్న సెంటర్ ఫర్ ఎడ్యుకేషనల్ డెవలప్మెంట్ ఆఫ్ మైనారిటీస్ (సీఈడీఎం) ఈ కోచింగ్ అందిస్తోంది. టెట్ పరీక్ష రాయాలనుకునే మైనారిటీ అభ్యర్థులకు ఇది ఒక మంచి అవకాశం. విద్యార్థులు తమ సౌలభ్యాన్ని బట్టి ఆన్లైన్ లేదా ఆఫ్లైన్ పద్ధతిలో కోచింగ్ తీసుకోవచ్చు. కోచింగ్ కోసం దరఖాస్తు చేసుకోవాలనుకునేవారు సీఈడీఎం అధికారిక వెబ్సైట్ www.apcedmmwd.org ను సందర్శించాలి. అక్కడ దరఖాస్తు ఫారమ్ నింపి సమర్పించాల్సి ఉంటుంది. ఈ మేరకు రాష్ట్రవ్యాప్తంగా టెట్ కోసం సిద్ధమవుతున్న అర్హులైన అభ్యర్థులు ఈ ఉచిత శిక్షణ అవకాశాన్ని ఉపయోగించుకోవాలని ప్రభుత్వం సూచిస్తోంది.
రచయిత గురించితిరుమల బాబుతిరుమల బాబు సమయం తెలుగులో సీనియర్ డిజిటల్ కంటెంట్ ప్రొడ్యూసర్గా పని చేస్తున్నారు. ఆయన ఆంధ్రప్రదేశ్కు సంబంధించిన తాజా వార్తలు, ప్రభుత్వ పథకాలు, తిరుమల అప్డేట్స్, ఫ్యాక్ట్ చెక్ ఆర్టికల్స్, మౌలిక సదుపాయాల కల్పనకు సంబంధించిన కథనాలు, పాలిటిక్స్తోపాటు ప్రత్యేక కథనాలు అందిస్తుంటారు. ఆయనకు జర్నలిజంలో 13 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాష్ట్ర వార్తలు, పొలిటికల్ న్యూస్ రాశారు. గతంలో క్షేత్రస్థాయిలో పొలిటికల్ సర్వేల్లో పాల్గొన్న అనుభవం తిరుమల బాబుకు ఉంది. ఆంధ్రప్రదేశ్ అసెంబ్లీకి ఎన్నికలకు సంబంధించి మూడు ఎన్నికల కోసం జర్నలిస్టుగా పని చేసిన అనుభవం ఆయనకు ఉంది. ఆచార్య నాగార్జున యూనివర్సిటీ నుంచి తిరుమల బాబు జర్నలిజంలో పీజీ పూర్తి చేశారు. ఉత్తమ పనితీరు కనబర్చినందుకు గానూ 2024లో తిరుమలబాబు టైమ్స్ ఇంటర్నెట్ నుంచి సూపర్ స్టార్ అవార్డును అందుకున్నారు.… ఇంకా చదవండి
