Gudivada Bypass Road Started: గుడివాడ బైపాస్ రోడ్డు ప్రారంభమైంది. మంత్రి బీసీ జనార్దన్ రెడ్డి ఈ కార్యక్రమంలో పాల్గొన్నారు. రాష్ట్రవ్యాప్తంగా రూ.3,380 కోట్లతో కొత్త ప్రాజెక్టులు, రూ.1,081 కోట్లతో రహదారుల మరమ్మతులు చేపడుతున్నట్లు మంత్రి తెలిపారు. ఏపీలో రోడ్ల నిర్మాణానికి ప్రభుత్వం భారీగా నిధులు కేటాయించారని.. నాణ్యతతో మే నెలాఖరులోగా పనులు పూర్తి చేస్తామని మంత్రి జనార్దన్ రెడ్డి హామీ ఇచ్చారు. గుడివాడ అభివృద్ధికి కూటమి ప్రభుత్వం కట్టుబడి ఉందని ఎమ్మెల్యే వెనిగండ్ల రాము తెలిపారు.
హైలైట్:
- గుడివాడ బైపాస్ను ప్రారంభించిన మంత్రి
- రూ.2.50 కోట్ల నిధులతో బైపాస్ అభివృద్ధి
- మూడు కిలోమీటర్లు ఉన్న గుడివాడ బైపాస్
గతంలో గుడివాడను నాశనం చేసిన పాలనకు భిన్నంగా నేడు కూటమి ప్రభుత్వం అభివృద్ధి దిశగా స్పష్టమైన మార్పు తీసుకొస్తోంది అన్నారు గుడివాడ ఎమ్మెల్యే వెనిగండ్ల రాము. గుడివాడ నియోజకవర్గంలోనే కాకుండా జిల్లావ్యాప్తంగా కోట్ల రూపాయలతో రోడ్ల అభివృద్ధి చేస్తూ ఆర్థిక పరిమితులు ఉన్నా ప్రాధాన్యత క్రమంలో సమస్యలను పరిష్కరిస్తూ ముందుకు సాగుతున్నామన్నారు. గుడివాడ బైపాస్ రోడ్డు కేవలం ఒక రోడ్డు కాదని.. ఇది ప్రజల ఆశ, ఆవేదన, ఆనందంతో ముడిపడ్డ భావోద్వేగ అంశమన్నారు ఆ విషయాన్ని మంత్రి బీసీ జనార్దన్ రెడ్డి స్వయంగా చూశారని.. గుడివాడ అభివృద్ధికి అండగా నిలుస్తున్న ఆయనకు హృదయపూర్వక కృతజ్ఞతలు తెలియజేస్తున్నాను అన్నారు.
రచయిత గురించితిరుమల బాబుతిరుమల బాబు సమయం తెలుగులో సీనియర్ డిజిటల్ కంటెంట్ ప్రొడ్యూసర్గా పని చేస్తున్నారు. ఆయన ఆంధ్రప్రదేశ్కు సంబంధించిన తాజా వార్తలు, ప్రభుత్వ పథకాలు, తిరుమల అప్డేట్స్, ఫ్యాక్ట్ చెక్ ఆర్టికల్స్, మౌలిక సదుపాయాల కల్పనకు సంబంధించిన కథనాలు, పాలిటిక్స్తోపాటు ప్రత్యేక కథనాలు అందిస్తుంటారు. ఆయనకు జర్నలిజంలో 13 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాష్ట్ర వార్తలు, పొలిటికల్ న్యూస్ రాశారు. గతంలో క్షేత్రస్థాయిలో పొలిటికల్ సర్వేల్లో పాల్గొన్న అనుభవం తిరుమల బాబుకు ఉంది. ఆంధ్రప్రదేశ్ అసెంబ్లీకి ఎన్నికలకు సంబంధించి మూడు ఎన్నికల కోసం జర్నలిస్టుగా పని చేసిన అనుభవం ఆయనకు ఉంది. ఆచార్య నాగార్జున యూనివర్సిటీ నుంచి తిరుమల బాబు జర్నలిజంలో పీజీ పూర్తి చేశారు. ఉత్తమ పనితీరు కనబర్చినందుకు గానూ 2024లో తిరుమలబాబు టైమ్స్ ఇంటర్నెట్ నుంచి సూపర్ స్టార్ అవార్డును అందుకున్నారు.… ఇంకా చదవండి
