తిరుమల శ్రీవారి లడ్డూ ప్రసాదంలో కల్తీ నెయ్యి వివాదం మరో మలుపు తిరిగింది. తిరుమల లడ్డూ ప్రసాదంలో వినియోగించే నెయ్యి సరఫరాదారులపై ఎఫ్ఎస్ఎస్ఏఐ (ఫుడ్ సేఫ్టీ అండ్ స్టాండర్స్ అథారిటీ ఆఫ్ ఇండియా) దృష్టి సారించింది. ప్రమాణాల మేరకు అందజేస్తున్నారో, లేదో నిశితంగా పరిశీలిస్తామంటున్నారు. ఇప్పటికే కల్తీ నెయ్యి అందించిన వైనంపై ఏఆర్ డెయిరీకి నోటీసులు ఇచ్చిన సంగతి తెలిసిందే. తాజాగా వైష్ణవి డెయిరీకి కూడా నోటీసులు ఇచ్చారు.. కొన్నేళ్లుగా తిరుమల శ్రీవారి ప్రసాదాల తయారీకి అవసరమైన నెయ్యిలో కొంత భాగాన్ని వైష్ణవి డెయిరీ నుంచి టీటీడీ సేకరిస్తోంది. వైష్ణవి డెయిరీతో పాటుగా.. గత ఐదేళ్లలో టీటీడీకి నెయ్యి సరఫరా చేసిన మరో ఐదు సంస్థలకు కూడా నోటీసులు ఇచ్చినట్లు తెలుస్తోంది.. దీనిపై క్లారిటీ రావాల్సి ఉంది.మరోవైపు టీడీపీ వైష్ణవి డెయిరీ నెయ్యి సరఫరా అంశాన్ని తెరపైకి తెచ్చింది. 2023 అక్టోబరులో ఐదు లక్షల కిలోల ఆవునెయ్యి కొనుగోలుకు టీటీడీ టెండర్ పిలిస్తే.. చిత్తూరు జిల్లాలోని వైష్ణవి డెయిరీ స్పెషాలిటీస్ రివర్స్ టెండరింగ్లో కిలో రూ. 428.04కి కోట్ చేసి ఎల్1గా నిలిచిందన్నారు ఆనం వెంకట రమనారెడ్డి. ఏఆర్ డెయిరీ కిలోకు రూ.432.96 కోట్ చేసి ఎల్3గా నిలిచిందన్నారు. అయితే టీటీడీ నిబంధనల ప్రకారం వైష్ణవి డెయిరీ కోట్ చేసిన ధరకు నెయ్యి సరఫరా చేస్తే.. తాము 35 శాతం ఆర్డర్ ఇస్తామని 2023 నవంబర్ 25న టీటీడీ చెప్పినా.. ఏఆర్ డెయిరీ ముందుకు రాలేదన్నారు. నాలుగు నెలలు తిరక్కుండానే అదే సంస్థ 2024 మార్చిలో టీటీటీ పిలిచిన టెండర్లలో పాల్గొని.. కిలో రూ. 320 ధర కోట్ చేసి, 10 లక్షల కిలోల నెయ్యి సరఫరాకు కాంట్రాక్ట్ దక్కించుకుంది అన్నారు. ఇదే సంస్థ నాలుగు నెలల ముందు కిలో రూ. 428కి ఇవ్వలేమని.. ఇప్పుడు రూ. 320కే స్వచ్ఛమైన నెయ్యిని ఎలా సరఫరా చేయగలదని ప్రశ్నించారు.
టీటీడీకి ఆవునెయ్యి సరఫరా టెండర్లలో పాల్గొనే ఇతర రాష్ట్రాలోని డెయిరీలు సంబంధించి ఒక నిబంధన ఉందన్నారు ఆనం. ఆ డెయిరీలు అంతకుముందు ఏడాదిపాటు రోజుకు కనీసం 4 లక్షల లీటర్ల పాలు సేకరించి ఉండాలన్న నిబంధన (నం.19)ను గుర్తు చేశారు. మార్కెట్ అవసరాలకు పోగా.. డెయిరీలకు అదనంగా 8 టన్నుల ఆవునెయ్యి ఉత్పత్తి చేయగల సామర్థ్యం ఉండాలనే నిబంధన (నం.20)ను గత ప్రభుత్వ హయాంలో టీటీడీ ఎందుకు తొలగించిందని ప్రశ్నించారు. మొత్తం మీద తిరుమల లడ్డూ వ్యవహారంలో నోటీసుల పర్వ కొనసాగుతోంది. ఇటీవల తమిళనాడు ఏఆర్ డెయిరీపై టీటీడీ అధికారులు ఫిర్యాదు చేయగా .. కేసు నమోదైన సంగతి తెలిసిందే.
టీటీడీకి ఆవునెయ్యి సరఫరా టెండర్లలో పాల్గొనే ఇతర రాష్ట్రాలోని డెయిరీలు సంబంధించి ఒక నిబంధన ఉందన్నారు ఆనం. ఆ డెయిరీలు అంతకుముందు ఏడాదిపాటు రోజుకు కనీసం 4 లక్షల లీటర్ల పాలు సేకరించి ఉండాలన్న నిబంధన (నం.19)ను గుర్తు చేశారు. మార్కెట్ అవసరాలకు పోగా.. డెయిరీలకు అదనంగా 8 టన్నుల ఆవునెయ్యి ఉత్పత్తి చేయగల సామర్థ్యం ఉండాలనే నిబంధన (నం.20)ను గత ప్రభుత్వ హయాంలో టీటీడీ ఎందుకు తొలగించిందని ప్రశ్నించారు. మొత్తం మీద తిరుమల లడ్డూ వ్యవహారంలో నోటీసుల పర్వ కొనసాగుతోంది. ఇటీవల తమిళనాడు ఏఆర్ డెయిరీపై టీటీడీ అధికారులు ఫిర్యాదు చేయగా .. కేసు నమోదైన సంగతి తెలిసిందే.
