India vs Bangladesh, 2nd T20I: భారత్, బంగ్లాదేశ్ మధ్య రెండో టీ20 సిరీస్ ఢిల్లీ వేదికగా జరుగుతోంది. అరుణ్ జైట్లీ స్టేడియంలో బంగ్లాదేశ్ టాస్ గెలిచి బౌలింగ్ ఎంచుకుంది. బంగ్లాదేశ్ ఒక మార్పు చేయగా, షోరిఫుల్ ఇస్లాం స్థానంలో తాంజిమ్ హసన్ సాకిబ్కు అవకాశం లభించింది. భారత్ తన ప్లేయింగ్-11లో ఎలాంటి మార్పులు చేయలేదు.
ఢిల్లీలో బంగ్లాదేశ్తో జరిగిన ఏకైక మ్యాచ్లో భారత్ ఓటమి..
టీ-20 ఇంటర్నేషనల్లో భారత్, బంగ్లాదేశ్ మధ్య ఇప్పటివరకు 15 మ్యాచ్లు జరిగాయి. భారత్ 14, బంగ్లాదేశ్ ఒకదానిలో మాత్రమే గెలిచింది. ఈ విజయం 2019లో ఢిల్లీ మైదానంలో వచ్చింది. ఈరోజు మ్యాచ్ కూడా ఢిల్లీలోనే జరుగుతుంది. ఇది కాకుండా అన్ని మ్యాచ్ల్లో బంగ్లాదేశ్ను భారత్ ఓడించింది.
ఈ సిరీస్పై కన్నేసిన భారత్..
గ్వాలియర్ మైదానంలో బంగ్లాదేశ్పై భారత్ ఏడు వికెట్ల తేడాతో గెలిచింది. ఆ తర్వాత రెండో మ్యాచ్లోనూ విజయ పరంపర కొనసాగించి సిరీస్ని కైవసం చేసుకునేందుకు టీమిండియా ఇప్పుడు రంగంలోకి దిగనుంది. రెండు టెస్టుల సిరీస్లో రెండు మ్యాచ్ల్లోనూ ఓడిపోయిన బంగ్లా.. తొలి టీ20లోనూ అదే పరిస్థితితో కొట్టుమిట్టాడుతోంది. అయితే, ఈ మ్యాచ్లో బంగ్లాదేశ్ జట్టు ఎదురుదాడి చేసి విజయాన్ని చవిచూడాలనుకుంటోంది.
భారత్దే పైచేయి
ఇరుజట్ల ప్లేయింగ్ 11..
భారత్: సూర్యకుమార్ యాదవ్ (కెప్టెన్), అభిషేక్ శర్మ, సంజు శాంసన్ (వికెట్ కీపర్), రియాన్ పరాగ్, నితీష్ కుమార్ రెడ్డి, హార్దిక్ పాండ్యా, రింకూ సింగ్, వాషింగ్టన్ సుందర్, వరుణ్ చక్రవర్తి, అర్ష్దీప్ సింగ్, మయాంక్ యాదవ్.
బంగ్లాదేశ్: నజ్ముల్ హొస్సేన్ శాంటో (కెప్టెన్), పర్వేజ్ హసన్ ఎమోన్, లిటన్ దాస్ (వికెట్ కీపర్), జాకర్ అలీ, తౌహిద్ హృదయ్, మహ్మదుల్లా, మెహదీ హసన్ మిరాజ్, రిషాద్ హొస్సేన్, మస్తాఫిజుర్ రెహమాన్, తస్కిన్ అహ్మద్, తంజిమ్ హసన్ షకీబ్.
మరిన్ని క్రీడా వార్తల కోసం ఇక్కడ క్లిక్ చేయండి..
