గ్రామీణ ప్రాంతాల్లోని మహిళలు తమ కాళ్ల మీద తాము నిలబడేలా చేసేందుకు అనేక స్వచ్ఛంద సంస్థలు, బ్యాంకులు కృషి చేస్తుంటాయి. వారికి స్వయం ఉపాధి కల్పించేందుకు అనేక అంశాల్లో శిక్షణ అందిస్తుంటాయి. ఈ క్రమంలోనే చంద్రగిరి యూనియన్ బ్యాంక్ సైతం మహిళలకు బంపరాఫర్ ఇచ్చింది. చంద్రగిరిలోని యూనియన్ బ్యాంక్ గ్రామీణ స్వయం ఉపాధి శిక్షణ సంస్థ మహిళలకు గుడ్ న్యూస్ వినిపించింది. ఈ సంస్థ ఆధ్వర్యంలో మహిళలకు బ్యూటీపార్లర్ కోర్సులో ఉచితంగా శిక్షణ ఇవ్వనున్నారు. ఈ నెల 15 నుంచి 30 రోజుల పాటు ఈ ఉచిత ట్రైనింగ్ కొనసాగనుంది. ఈ మేరకు చంద్రగిరి యూనియన్ బ్యాంక్ గ్రామీణ స్వయం ఉపాధి శిక్షణ సంస్థ డైరెక్టర్ ఓ ప్రకటనలో తెలిపారు.అయితే ఈ ఉచిత శిక్షణ కోసం తెల్లరేషన్ కార్డును ప్రామాణికంగా తీసుకున్నారు. తెల్ల రేషన్కార్డు కలిగిన తిరుపతి, చిత్తూరు జిల్లాల్లోని గ్రామీణ యువతులు, మహిళలకు ఈ అవకాశం కల్పించారు. ఈ రెండు జిల్లాల్లోని గ్రామీణ ప్రాంతాలకు చెందిన 19 నుంచి 45 సంవత్సరాల మధ్య వయసు ఉన్న యువతులు, మహిళలు ఇందుకు అర్హులు. అలాగే కనీసం పదో తరగతి చదువుకుని ఉండాలని అధికారులు తెలిపారు. ఆసక్తి కలిగిన వారు వెంటనే సంప్రదించాలని సూచించారు. అలాగే ట్రైనింగ్ సమయంలో వీరికి ఉచిత భోజనం సౌకర్యం కల్పిస్తారు. అలాగే వచ్చీపోయేందుకు ఒక ఛార్జీ డబ్బులు సైతం ఇస్తారని ప్రకటనలో తెలిపారు. నెలరోజుల ట్రైనింగ్ పూర్తైన తర్వాత బ్యూటీపార్లర్ కోర్సులో సర్టిఫికేట్ కూడా ఇవ్వనున్నారు.
మరోవైపు బ్యూటీపార్లర్ ఉచిత శిక్షణ కోసం ఆసక్తి ఉన్న వారు.. ఆధార్ కార్డు, రేషన్ కార్డు జిరాక్స్ కాపీలతో పాటుగా.. పాస్పోర్టు ఫోటోలతో పేర్లు నమోదు చేసుకోవాలని యూనియన్ బ్యాంక్ స్వయం ఉపాధి శిక్షణ సంస్థ ప్రకటనలో తెలిపింది. ఇక ముందుగా పేర్లు నమోదు చేసుకున్న వారికి ప్రాధాన్యం ఉంటుందని పేర్కొంది. ట్రైనింగ్ పూర్తైన తర్వాత అందించే సర్టిఫికేట్ ద్వారా స్వయంగా ఉపాధి పొందవచ్చని సూచించింది. అలాగే పదిమందికీ ఉపాధి కల్పించే అవకాశం లభిస్తుందని.. ఈ అవకాశాన్ని సద్వినియోగం చేసుకోవాలని సూచించింది. మహిళలకు బ్యూటీపార్లర్, కుట్టు అల్లికలతో పాటుగా యువకులకు కారు డ్రైవింగ్, ఫోటోగ్రఫీ, వీడియో గ్రఫీ వంటి కోర్సులలో ఉచితంగా శిక్షణ అందిస్తూ గ్రామీణ యువత స్వయం ఉపాధి పొందేలా యూనియన్ బ్యాంక్ గ్రామీణ స్వయం ఉపాధి శిక్షణ సంస్థ కృషిచేస్తోంది.
మరోవైపు బ్యూటీపార్లర్ ఉచిత శిక్షణ కోసం ఆసక్తి ఉన్న వారు.. ఆధార్ కార్డు, రేషన్ కార్డు జిరాక్స్ కాపీలతో పాటుగా.. పాస్పోర్టు ఫోటోలతో పేర్లు నమోదు చేసుకోవాలని యూనియన్ బ్యాంక్ స్వయం ఉపాధి శిక్షణ సంస్థ ప్రకటనలో తెలిపింది. ఇక ముందుగా పేర్లు నమోదు చేసుకున్న వారికి ప్రాధాన్యం ఉంటుందని పేర్కొంది. ట్రైనింగ్ పూర్తైన తర్వాత అందించే సర్టిఫికేట్ ద్వారా స్వయంగా ఉపాధి పొందవచ్చని సూచించింది. అలాగే పదిమందికీ ఉపాధి కల్పించే అవకాశం లభిస్తుందని.. ఈ అవకాశాన్ని సద్వినియోగం చేసుకోవాలని సూచించింది. మహిళలకు బ్యూటీపార్లర్, కుట్టు అల్లికలతో పాటుగా యువకులకు కారు డ్రైవింగ్, ఫోటోగ్రఫీ, వీడియో గ్రఫీ వంటి కోర్సులలో ఉచితంగా శిక్షణ అందిస్తూ గ్రామీణ యువత స్వయం ఉపాధి పొందేలా యూనియన్ బ్యాంక్ గ్రామీణ స్వయం ఉపాధి శిక్షణ సంస్థ కృషిచేస్తోంది.
