పాకిస్థాన్ ఓటమితో వరల్డ్ టెస్ట్ ఛాంపియన్షిప్ ఫైనల్ పాయింట్ల పట్టికలో భారీ మార్పులు చోటు చేసుకున్నాయి. ఇంగ్లండ్ జట్టు పాయింట్ల పట్టికలో భారీ ఆధిక్యం సాధిస్తే.. పాక్ పరిస్థితి మరింత దారుణంగా తయారైంది. ప్రపంచ టెస్టు ఛాంపియన్షిప్ ఫైనల్కు సంబంధించి పాకిస్థాన్కు దాదాపు తలుపులు మూసుకుపోయాయి. ముల్తాన్ వేదికగా పాక్, ఇంగ్లండ్ జట్ల మధ్య జరిగిన తొలి టెస్టు మ్యాచ్లో పాకిస్థాన్ జట్టు స్వదేశంలో మరోసారి ఘోర పరాజయాన్ని చవిచూసింది. తొలి ఇన్నింగ్స్లో 500కు పైగా పరుగులు చేసినప్పటికీ, పాకిస్థాన్ ఇన్నింగ్స్ 47 పరుగుల తేడాతో చిత్తుగా ఓడింది. తొలి టెస్టు మ్యాచ్లో పాకిస్థాన్ను ఓడించడం ద్వారా ఇంగ్లండ్ ప్రపంచ టెస్ట్ ఛాంపియన్షిప్ పట్టికలో తమ స్థానాన్ని మరింత మెరుగుపరుచుకుంది. ఇంగ్లండ్ జట్టు ఇప్పుడు న్యూజిలాండ్, దక్షిణాఫ్రికాలను అధిగమించి నాలుగో ర్యాంక్ను కైవసం చేసుకుంది. ప్రపంచ టెస్ట్ ఛాంపియన్షిప్ మూడో ఎడిషన్లో, ఇంగ్లండ్ ఇప్పటి వరకు ఆడిన 17 మ్యాచ్లలో 9 విజయాలు, 7 ఓటములతో 93 పాయింట్లను కలిగి ఉంది. దీంతో ప్రపంచ టెస్టు ఛాంపియన్షిప్ ఫైనల్ రేసులో ఇంగ్లండ్ కూడా నిలిచింది.
ఇక ఈ టెస్టుకు ముందు బంగ్లాదేశ్ జట్టు చేతిలో పాకిస్థాన్ జట్టు ఘోర పరాజయాన్ని చవిచూసింది. ఇప్పుడు ముల్తాన్ టెస్టులో ఇంగ్లండ్ చేతిలో చిత్తయ్యింది. ఈ ఓటమితో ఇప్పుడు పాకిస్థాన్కు ప్రపంచ టెస్టు ఛాంపియన్షిప్ ఫైనల్కు దాదాపు తలుపులు మూసుకుపోయాయి. వరల్డ్ టెస్ట్ ఛాంపియన్షిప్ ఫైనల్ స్టాండింగ్స్లో, పాకిస్తాన్ ఎనిమిదో స్థానంలో ఉంది. ఆ జట్టు ఇప్పటివరకు ఆడిన 7 మ్యాచ్లలో 2 మాత్రమే గెలిచింది. ముల్తాన్ టెస్టులో ఇంగ్లండ్ ఇన్నింగ్స్ 47 పరుగుల తేడాతో విజయం సాధించింది. తొలి ఇన్నింగ్స్లో 550కి పైగా పరుగులు చేసినప్పటికీ పాకిస్థాన్కు ఘోర పరాజయం తప్పలేదు. ఈ మ్యాచ్లో తొలి ఇన్నింగ్స్లో ఇంగ్లండ్ 7 వికెట్లు కోల్పోయి 823 పరుగులు చేసింది. ఇంగ్లాండ్ తరఫున హ్యారీ బ్రూక్ ట్రిపుల్ సెంచరీ, జో రూట్ డబుల్ సెంచరీ సాధించారు. దీంతో ఇంగ్లండ్ తొలి ఇన్నింగ్స్లో 267 పరుగుల ఆధిక్యం సాధించింది. ఈ లక్ష్యాన్ని ఛేదించిన పాక్ జట్టు కేవలం 220 పరుగులకే ఆలౌటైంది. దీంతో సిరీస్లో ఇంగ్లండ్ 1-0 ఆధిక్యంలో నిలిచింది.
ఇవి కూడా చదవండి
ప్రస్తుతం ప్రపంచ టెస్టు ఛాంపియన్షిప్ పాయింట్ల పట్టికలో భారత జట్టు అగ్రస్థానంలో ఉంది. భారత్ ఇంకా 8 మ్యాచ్లు ఆడాల్సి ఉంది. వీరిలో కొందరు 5 మ్యాచ్ల్లో గెలిస్తేనే తుది రౌండ్ లెక్క తేలిపోతుంది. భారత జట్టు 11 మ్యాచ్ల్లో 8 గెలిచి, రెండు మ్యాచ్లు ఓడి, ఒక మ్యాచ్లో ఓటమిని ఎదుర్కొని 74.24 విజయాల శాతంతో అగ్రస్థానంలో ఉంది
TEAM INDIA AT THE TOP…!!!! 🇮🇳
– Pakistan at the Last in the Latest Points Table of WTC 2023-25.#TestCricket #ENGvsPAK pic.twitter.com/qBywiE18My
— TheCric.Zone (@PrateekTel90168) October 11, 2024
మరిన్ని క్రీడా వార్తల కోసం ఇక్కడ క్లిక్ చేయండి..
