Andhra Pradesh Ev Tax Exemption Extended 6 Months,ఏపీలో వాహనదారులకు భారీ ఊరట.. మరో 6 నెలలు పొడిగింపు, ఉత్తర్వులు వచ్చేశాయి – andhra pradesh government orders on electric vehicles tax exemption for another six months

ఆంధ్రపదేశ్ ప్రభుత్వం కీలక నిర్ణయం తీసుకుంది. రాష్ట్రవ్యాప్తంగా ఈవీ వాహనాలకు సంబంధించి పన్ను మినహాయింపుపై క్లారిటీ ఇచ్చింది. ఏపీ మోటారు వాహనాల చట్టం కింద చెల్లించాల్సిన జీవితకాల పన్నుకు మినహాయింపును మరో ఐదు నెలలు కొనసాగించారు. ఈ మేరకు ప్రభుత్వం ఉత్తర్వులు జారీ చేసింది.. రాష్ట్రంలో బ్యాటరీ, అల్ట్రా కెపాసిటర్లు, ఫ్యూయల్‌ సెల్స్‌ ద్వారా నడిచే మోటారు వాహనాలకు పన్ను మినహాయింపు ఉంటుంది. ఈ ఏడాది జులై 8 నుంచి డిసెంబరు 7 మధ్య రిజిస్ట్రేషన్‌ చేసుకున్న వాహనాలకు లేదా నూతన ఈవీ పాలసీ ప్రకటించే వరకు నిబంధనలు వర్తిస్తాయని తెలిపారు.అంటే రాష్ట్రంలో ఎలక్ట్రిక్‌ వాహనాలపై పన్నును మరో ఆరు నెలలు పాటు మినహాయించారు. 2024 జులై 7 నుంచి డిసెంబర్‌ 7 వరకూ ఈవీలపై పన్ను మినహాయించింది ప్రభుత్వం. 2018 నుంచి 2023 వరకు రాష్ట్రంలో అమల్లో ఉన్న ఈవీ విధానం బదులుగా.. కొత్త విధానం అమల్లోకి వచ్చేంత వరకూ పన్ను మినహాయింపు పొడిగింపుపై నిర్ణయం తీసుకుంటామని రవాణాశాఖ తెలిపింది. ఏపీ మోటారు వాహనాల చట్టం 1963 కింద ఎలక్ట్రిక్‌ వాహనాలకు పన్ను మినహాయిస్తున్న సంగతి తెలిసిందే.

వాస్తవానికి రాష్ట్రవ్యాప్తంగా ఈ ఏడాది జులై 6తో పన్ను మినహాయింపు గడువు ముగుస్తోంది. అందుకే ప్రభుత్వం తాజాగా పన్ను మినహాయింపు కొనసాగిస్తూ ఉత్తర్వులు జారీ చేసింది. ఈవీ బైక్‌ల ధరపై 12 శాతం చొప్పున జీవితకాల పన్ను మినహాయింపు వర్తిస్తుంది. అలాగే సొంత అవసరాల కోసం కొనుగోలు చేసే కార్ల ధరల ఆధారంగా కనీసం 12 శాతం, గరిష్ఠంగా 18 శాతం వరకు పన్ను రాయితీ ఇస్తున్నారు. రవాణా, ప్రయాణికుల వాహనాలకు నిర్దేశిత కాలానికి సంబంధించిన త్రైమాసం పన్ను మినహాయింపు ఉంటుందని తెలిపారు. ఈ పన్ను మినహాయింపుపై ప్రభుత్వం స్పష్టత ఇవ్వకపోడంతో పెద్ద సంఖ్యలో వాహన కొనుగోళ్లు నిలిచాయి.. అయితే ప్రభుత్వం జారీ చేసిన ఉత్తర్వులతో దసరా పండుగ కావడంతో భారీగా వాహనాల విక్రయాలు జరిగే అవకాశం ఉంది.