Posani Krishna Murali Remand 14 Days: సినీనటుడు పోసాని కృష్ణ మురళికి షాక్ తప్పలేదు. రైల్వే కోడూరు కోర్టు పోసానికి 14 రోజుల రిమాండ్ విధించింది. ఈ మేరకు రైల్వే కోడూరు మెజిస్ట్రేట్ నిర్ణయం తీసుకున్నారు. కోర్టులో రాత్రి 9.30 గంటల నుంచి ఉదయం 5 గంటల వరకు ఇరుపక్షాల వాదనలు నడిచాయి. అనంతరం కోర్టు ఆయనకు 14 రోజుల రిమాండ్ విధిస్తూ నిర్ణయం తీసుకుంది. బుధవారం రాత్రి ఆయన్ను పోలీసులు హైదరాబాద్లో అరెస్ట్ చేశారు.
హైలైట్:
- పోసాని కృష్ణమురళికి 14 రోజులు రిమాండ్
- కడప సెంట్రల్ జైలుకు తరలించనున్నారు
- ఏడు గంటల పాటూ కోర్టులో వాదనలు
పోసాని కృష్ణమురళిపై అన్నమయ్య జిల్లా ఓబులవారిపల్లి మండలం కొర్లకుంటకు చెందిన జనసేన నేత జోగినేని మణి పోలీసులకు ఫిర్యాదు చేశారు. ఆయన విద్వేషాలు రెచ్చగొట్టేలా వ్యవహరించారని.. ఆయనపై చర్యలు తీసుకోవాలని ఈ నెల 24న పోలీసులకు ఫిర్యాదు చేశారు. ఈ మేరకు బీఎన్ఎస్లోని 196, 353(2), 111 రెడ్విత్ 3(5) సెక్షన్ల కింద పోలీసులు కేసు పెట్టారు. ఓబులవారిపల్లె మాత్రమే కాదు రాష్ట్రవ్యాప్తంగా పలు జిల్లాల్లో పోసానిపై పోలీసులు కేసులు నమోద చేశారు.
రచయిత గురించితిరుమల బాబుతిరుమల బాబు సమయం తెలుగులో సీనియర్ డిజిటల్ కంటెంట్ ప్రొడ్యూసర్గా పని చేస్తున్నారు. ఇక్కడ ఏపీ, తెలంగాణకు సంబంధించిన తాజా వార్తలు, రాజకీయ వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 11 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్ న్యూస్, ఇతర రంగాలకు సంబంధించి వార్తలు రాశారు.… ఇంకా చదవండి
