దేశంలోని 7.6 కోట్ల EPFO సభ్యులపై కీలక ప్రకటన వెలువడింది. 2024-25 సంవత్సరానికి ఉద్యోగుల ప్రావిడెంట్ ఫండ్ (EPF) పై వడ్డీ రేటు 8.25%గా నిర్ణయించింది. శుక్రవారం జరిగిన ఈపీఎఫ్వో బోర్డు సమావేశంలో ఈ నిర్ణయం తీసుకున్నట్లు తెలిపింది. 2024-25 ఆర్థిక సంవత్సరానికి గానూ 8.25 శాతం వడ్డీరేటు యధావిధిగా కొనసాగించాలని నిర్ణయించారు. ఆర్థిక మంత్రిత్వ శాఖ ఆమోదం పొందిన తర్వాత.. ఈ వడ్డీ రేటు ఏడు కోట్లకు పైగా చందాదారులకు జమ అవుతుంది. ఫిబ్రవరి 2024లో ఈపీఎఫ్వో 2022-23 ఆర్థిక సంవత్సరంలో ఈపీఎఫ్పై వడ్డీ రేటును 8.15 శాతం నుండి 2023-24 ఆర్థిక సంవత్సరానికి 8.25 శాతానికి స్వల్పంగా పెంచింది. మార్చి 2022లో ఈపీఎఫ్వోతన 7 కోట్లకు పైగా సభ్యులకు EPFపై వడ్డీ రేటును 2021-22 ఆర్థిక సంవత్సరానికి 4 దశాబ్దాల కనిష్ట స్థాయి 8.1 శాతానికి తగ్గించింది. ఇది 2020-21 ఆర్థిక సంవత్సరంలో 8.5 శాతంగా ఉంది.
2020-21 సంవత్సరానికి ఈపీఎఫ్ వడ్డీ రేటు 8.10 శాతం
2020-21 ఆర్థిక సంవత్సరానికి ఈపీఎఫ్ పై వడ్డీ రేటు 8.10 శాతంగా ఉంది. 1977-78లో ఈపీఎఫ్ వడ్డీ రేటు 8 శాతంగా ఉన్నప్పటి నుండి ఇది అత్యల్పం. అయితే ఈపీఎఫ్వో అత్యున్నత నిర్ణయం తీసుకునే సంస్థ అయిన సెంట్రల్ బోర్డ్ ఆఫ్ ట్రస్టీస్ (CBT) శుక్రవారం జరిగిన సమావేశంలో 2024-25 ఆర్థిక సంవత్సరానికి ఈపీఎఫ్ పై 8.25 శాతం వడ్డీని ఇవ్వాలని నిర్ణయించిందని నివేదిక తెలిపింది.
ఇవి కూడా చదవండి
ప్రభుత్వం ఆమోదం పొందిన తర్వాత వడ్డీ డబ్బు ఖాతాలోకి..
2020-21 ఆర్థిక సంవత్సరానికి EPF డిపాజిట్లపై 8.5 శాతం వడ్డీ రేటును CBT మార్చి 2021లో నిర్ణయించింది. CBT నిర్ణయం తర్వాత 2024-25 సంవత్సరానికి ఈపీఎఫ్ డిపాజిట్లపై వడ్డీ రేటు ఆమోదం కోసం ఆర్థిక మంత్రిత్వ శాఖకు పంపింది. ప్రభుత్వం ఆమోదం పొందిన తర్వాత 2024-25 సంవత్సరానికి ఈపీఎఫ్పై వడ్డీ రేటు ఈపీఎఫ్లోని ఏడు కోట్లకు పైగా సభ్యుల ఖాతాలకు జమ అవుతుంది. ప్రభుత్వం ఆర్థిక మంత్రిత్వ శాఖ ద్వారా ఆమోదం పొందిన తర్వాతే ఈపీఎఫ్వోవడ్డీ రేటును అందిస్తుంది.
డిసెంబర్ 2024లో ఈపీఎఫ్వోలో 16.05 లక్షల మంది కొత్త సభ్యులు:
ఇదిలా ఉండగా, ఈపీఎఫ్వోలో కొత్త సభ్యుల చేరిక నెలనెల పెరుగుతోంది. డిసెంబర్ 2024లో నికరంగా 16.05 లక్షల మంది కొత్త సభ్యులను చేర్చుకున్నట్లు ఈపీఎఫ్వో తెలిపింది. నవంబర్ 2024 తో పోలిస్తే ఇది 9.69 శాతం ఎక్కువ. ఈ సమాచారం రెగ్యులర్ జీతం పొందుతున్న ఉద్యోగులకు సంబంధించిన ఈపీఎఫ్వోడేటా నుండి పొందింది. డిసెంబర్ 2023తో పోలిస్తే రెగ్యులర్ జీతం పొందుతున్న వారి సంఖ్య 2.74 శాతం ఎక్కువగా ఉందని కార్మిక మంత్రిత్వ శాఖ ఒక ప్రకటనలో తెలిపింది.
ఇది కూడా చదవండి: Google: గూగుల్ నుంచి కీలక అప్డేట్.. ఇక నుంచి ఆ వివరాలు తొలగించడం సులభం!
గత పదేళ్లలో ఈపీఎఫ్ వడ్డీ రేట్లు:
- 2014-15: 8.75 శాతం
- 2015-16: 8.8 శాతం
- 2016-17: 8.65 శాతం
- 2017-18: 8.55 శాతం
- 2018-19: 8.65 శాతం
- 2019-20: 8.5 శాతం
- 2020-21: 8.5 శాతం
- 2021-22: 8.1 శాతం
- 2022-23: 8.15 శాతం
- 2023-24: 8.25 శాతం
మరిన్ని బిజినెస్ వార్తల కోసం ఇక్కడ క్లిక్ చేయండి
