Nellore chain snatchers,చైన్ స్నాచర్లుగా మారిన మహిళా ఉద్యోగులు.. ఆ వ్యసనానికి బానిసై ఎంతకు తెగించారు?! – ap health department women employees turned chain snatchers at kovuru in nellore

ఆ ఇద్దరూ వైద్యారోగ్యశాఖలో ఉద్యోగులు. సంఘంలో ఓ గుర్తింపు వారి సొంతం. కానీ ఓ వ్యసనానికి బానిసై ఆ ఇద్దరు మహిళా ఉద్యోగులు చైన్ స్నాచర్లుగా మారిపోయారు. చైన్ స్నాచింగ్‌కు యత్నించి స్థానికులకు చిక్కారు. నెల్లూరు జిల్లా కోవూరులో ఈ ఘటన చోటుచేసుకుంది. నెల్లూరు జిల్లా కోవూరులో ఓ వృద్ధురాలి మెడలో బంగారు గొలుసు తెంచుకెళ్లేందుకు ప్రయత్నించి.. ఇద్దరు మహిళలు అడ్డంగా దొరికిపోయారు. స్కూటీ మీద వచ్చి మాటలు కలిపిన ఇద్దరు మహిళలు, సమయం చూసి బంగారు గొలుసు లాక్కెళ్లే ప్రయత్నం చేశారు. అయితే మహిళ గట్టిగా కేకలు వేయడంతో చుట్టుపక్కల వారు వీరిద్దరిని అదుపులోకి తీసుకున్నారు. ఆరా తీస్తే వీరిద్దరూ వైద్యారోగ్యశాఖలో ఉద్యోగులుగా పనిచేస్తున్నట్లు తేలింది. క్రికెట్ బెట్టింగులకు బానిసైన ఇద్దరు మహిళలు బెట్టింగ్‌లలో రూ.30 లక్షలు పోగొట్టుకున్నట్లు తెలిసింది. దీంతో ఇలా చైన్ స్నాచర్లుగా మారిపోయారు.