Andhra Pradesh Government House Construction Additional Help: ఏపీ ప్రభుత్వం అసెంబ్లీలో బడ్జెట్ను ప్రవేశపెట్టింది. ప్రస్తుతం ఇంటి నిర్మాణాలకు ఇస్తున్న ఆర్దిక సహాయానికి అదనంగా బీసీలు, షెడ్యూల్ కులాల వారికి రూ.50వేలు, షెడ్యూల్డ్ తెగల వారికి అదనంగా రూ.75వేలు ఆర్ధిక సహాయం అందించాలని ప్రభుత్వం నిర్ణయించింది. ఈ మేరకు బడ్జెట్లో కేటాయింపులు చేసినట్లు తెలిపారు. బీసీలు, ఎస్సీలు, ఎస్టీలకు అదనపు సాయం అందించనున్నారు. కేబినెట్లో కూడా ఆమోదం తెలిపారు.
హైలైట్:
- ఏపీ అసెంబ్లీలో బడ్జెట్ ప్రవేశపెట్టారు
- వారందరికి అదనపు సాయం అందిస్తారు
- బీసీలు, ఎస్సీలు, ఎస్టీలకు సాయమిస్తారు
టీడీపీ హయాంలో బీసీలకు ప్రయోజనం కల్పించే లక్ష్యంతో ఆదరణ పథకంతో లక్షల మందికి పరికరాలు అందించిన సంగతి తెలిసిందే. గత ప్రభుత్వ హయాంలో ఈ పథకం అమలు చేయలేదు. ఇప్పుడు కూటమి ప్రభుత్వం ఈ పథకాన్ని అమలు చేస్తున్నారు. ఈ మేరకు రూ.1,000 కోట్ల నిధులు కేటాయించగా.. 1.50 లక్షల మందికి వివిధ ఉపకరణాలు అందజేయనున్నారు. పీఎం కుసుమ్ కింద వ్యవసాయ మోటార్లకు సోలార్ విద్యుత్కు సంబంధించి 3 లక్షల కనెక్షన్లకు అనుమతి వచ్చింది. అంతేకాదు 18 లక్షల మందికి లబ్ధి కల్పించేలా రూ.3 లక్షల వరకు రుణాలకు పావలా వడ్డీ, రూ.లక్ష రుణాలకు సున్నా వడ్డీ కింద రాష్ట్రంలో రైతులకు అందించనున్నారు.
రచయిత గురించితిరుమల బాబుతిరుమల బాబు సమయం తెలుగులో సీనియర్ డిజిటల్ కంటెంట్ ప్రొడ్యూసర్గా పని చేస్తున్నారు. ఇక్కడ ఏపీ, తెలంగాణకు సంబంధించిన తాజా వార్తలు, రాజకీయ వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 11 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్ న్యూస్, ఇతర రంగాలకు సంబంధించి వార్తలు రాశారు.… ఇంకా చదవండి
