ఎందరో హేమా హేమీల్లాంటి నటులున్న తెలుగు చిత్ర పరిశ్రమలోకి శివ శంకర వరప్రసాద్‌ అంటే మన చిరంజీవి. నటనపై ఎంతో ఆసక్తితో ఇండస్ట్రీలోకి వచ్చారు.పట్టుదల,నమ్మకం తో ముందుకు వెళ్ళారు అదే రంగంలో రాణిస్తాననే బలమైన నమ్మకంతో ఉండేవారు. ఎన్నో ప్రయత్నాల తర్వాత ఫస్ట్ టైం ‘పునాది రాళ్లు’సినిమాలో నటించారు. దాని తర్వాత నటించిన ‘ప్రాణం ఖరీదు’మూవీ ఫస్ట్ రిలీజ్ అయ్యి ప్రేక్షకులకు పరిచయమయ్యారు. వచ్చిన అవకాశాలు సద్వినియోగం చేసుకుంటూ హీరోగా నిలదొక్కుకునే ప్రయత్నం చేశారు. ఆయన్ను ఇతర హీరోల చిత్రాల్లో చిన్న పాత్రలు పోషించమని కొందరు డిమాండ్‌ చేసేవారట. ఒకవేళ చెయ్యను అని చెబితే భవిష్యత్తుపై ప్రభావం పడుతుందేమోనన్న భయం, మనల్ని మనం నిరూపించుకునే సమయం ఎప్పటికైనా వస్తుందనే ఆశతోనే వాటిలో నటించినట్లు చిరంజీవి ఓ సందర్భంలో అన్నారు.
ప్రివ్యూలు చూసి.. రివ్యూలు ఇచ్చి:
ఇండస్ట్రీలోకి వెళ్లకముందు చిరంజీవి.. హరిప్రసాద్‌, సుధాకర్‌లతో మద్రాసులో ఉండేవారు. ‘పూర్ణా పిక్చర్స్‌’ సంస్థ మేనేజరు తాము పంపిణీ చేసే సినిమాల ప్రివ్యూలు చూసి, వాటి రివ్యూలు ఇవ్వమని వారికి చెప్పేవారు. అలా ఓ హోదాలో ఓ సినిమా చూడడానికి వెళ్లిన వారు ముందు వరుసలో కూర్చొన్నారు. ఇంతలో ఆ సినిమాలో హీరోగా నటించిన వ్యక్తికి చెందిన డ్రైవర్‌, మేకప్‌మ్యాన్‌లు రావడంతో చిరంజీవి, హరిప్రసాద్‌, సుధాకర్‌లను లేపి, వారిని కూర్చోబెట్టారట. చేసేదేమీలేక చిరు అండ్‌ కో నిల్చొనే సినిమాని చూశారు. ‘సినిమా ఎలా ఉంది?’ అని ఆ సంస్థ అధినేత భార్య అడగ్గా.. ‘ఆంటీ.. మీ అతిథులుగా మేం అక్కడకు వెళ్లాం. కానీ, ఆ హీరో మమ్మల్ని డోర్‌ దగ్గర నిలబెట్టాడు. తిరిగి వచ్చేస్తే మీకు చెడ్డపేరు వస్తుందని భరించాం. చూడండి ఆంటీ.. ఈ ఇండస్ట్రీకి నంబరు 1 హీరోని కాకపోతే నన్ను అడగండి’ అని ఆవేశంతో అన్నారట.ఆత్మవిశ్వాసానికి మించింది మరొకటి లేదని ఈ పరిణామం స్పష్టం చేస్తుంది.
విమర్శలు స్వీకరించి..
డ్యాన్స్‌ అంటే చిరు అని చాలామంది అంటుంటారు. అంత గ్రేట్డా డాన్సర్ అవ్వడానికి ఓ ఇంటరెస్టింగ్ స్టోరీ ఉంది. స్టార్టింగ్ డేస్ లో చిరంజీవి ఓక మూవీ లో సాంగ్ కంప్లీట్ చేసుకొని బయటకు వచ్చి.. వెంకన్న అనే మేనేజరును కలుసుకున్నారు. ‘ఎలా ఉంది? నా పెర్ఫామెన్స్‌’ అని అడగ్గా.. ‘ఆ.. అందులో ఏముంది? నీ వెనుక డ్యాన్సర్లు ఏం చేశారో, అదే నువ్వు చేశావ్‌. నీ ప్రత్యేకత చూపించాలి కదా?’ అని ఆ మేనేజరు అభిప్రాయం వ్యక్తం చేశారు. అప్పటి నుంచి కొరియోగ్రాఫర్లు చెప్పినదానికి అదనంగా డ్యాన్స్‌ చేస్తూ ప్రేక్షకుల్ని ఉర్రూతలూగించారు చిరు. నటన మెరుగుపరుచుకోవడంలో సినీ క్రిటిక్‌ గుడిపూడి శ్రీహరి పాత్ర ఉందని చిరంజీవి ఓ సందర్భంలో తెలిపారు. ఓ సినిమాకి సంబంధించిన రివ్యూలో ‘నటనలో వేగం ఉండాలిగానీ మాటలో కాదు’ అని శ్రీహరి ఇచ్చిన సమీక్ష తనలో మార్పు తీసుకొచ్చిందన్నారు. సద్విమర్శలను స్వీకరించి, ఎక్కడ తప్పు చేస్తున్నామో తెలుసుకుని వాటిని సరిదిద్దుకుంటే గొప్పవాళ్ళు అవుతారు….కాదు చిరంజీవి అవుతారు అన్నదానికి ఇదొక పర్ఫెక్ట్ example.
మరిన్ని వీడియోస్ కోసం:
Videos
Viral: అతను 180 మంది పిల్లలకు తండ్రి.! ఒక్క మహిళ కూడా ప్రేమగా ముద్దివ్వలేదట.!
Copper items: రాగి వస్తువులు ధరించడం వల్ల కలిగే లాభాలు తెలిస్తే బంగారం జోలికి పోరు.!
Leaves: ఉద్యోగులకు బంపర్‌ ఆఫర్‌.. మనసు బాలేదా? సెలవు తీసుకోండి.!.
