ఆంధ్రప్రదేశ్ ఖాదీ, విలేజ్ ఇండస్ట్రీస్ బోర్డు ఉద్యోగులకు రాష్ట్ర ప్రభుత్వం శుభవార్త వినిపించింది. ఉద్యోగుల ఆరోగ్య పథకం (ఈహెచ్ఎస్) కింద వైద్య సేవలను రాష్ట్ర ప్రభుత్వ ఉద్యోగులతో సమానంగా వారికి అందించనుంది. అలాగే, ఫైబర్నెట్ టెక్నికల్ కమిటీని పునర్నియమిస్తూ ప్రభుత్వం ఉత్తర్వులు జారీ చేసింది. ప్రణాళిక శాఖపై ముఖ్యమంత్రి నారా చంద్రబాబు నాయుడు సమీక్ష నిర్వహించి, వృద్ధి రేటును పెంచేందుకు సూచనలు చేశారు.
మరోవైపు ఆంధ్రప్రదేశ్ ప్రభుత్వం తన ఉద్యోగుల ఆరోగ్య భద్రత కోసం.. ఎంప్లాయిస్ హెల్త్ స్కీమ్ (EHS) అనే బీమా పథకాన్ని అమలుచేస్తోంది. ఈ పథకం కింద, ఉద్యోగులతో పాటుగా వారిపై ఆధారపడిన కుటుంబసభ్యులు.. నెట్‌వర్క్ ఆసుపత్రులలో క్యాష్‌లెస్ వైద్య చికిత్సలు అందుతాయి.
* కుప్పం మహిళకు చంద్రబాబు ఫోన్.. స్పాట్‌లోనే రూ.5 లక్షలు సాయం ప్రకటన
ఫైబర్నెట్ టెక్నికల్ కమిటీ పునర్నియామకం
మరోవైపు ఫైబర్నెట్ టెక్నికల్ కమిటీని ఆంధ్రప్రదేశ్ ప్రభుత్వం పునర్‌నియమించింది. 9 మంది సభ్యులతో ఫైబర్నెట్ టెక్నికల్ కమిటీని నియమించింది. ఈ మేరకు ఏపీ ప్రభుత్వం ఉత్తర్వులు జారీ చేసింది. ఈ కమిటీ ఎస్‌ఎఫ్‌ఎల్‌లో డీపీఆర్‌లు, టెండర్లను పరిశీలిస్తుంది. అనంతరం వాటికి ఆమోదం తెలపుతుంది. అలాగే భారత్‌నెట్‌లో రెండో దశ కార్యాచరణను పర్యవేక్షిస్తుంది. వాణిజ్య, టెక్నికల్ కార్యక్రమాలను కూడా ఏపీ ఫైబర్నెట్ టెక్నికల్ కమిటీ పర్యవేక్షించనుంది.
ఆ ఉద్యోగులకు ఏపీ ప్రభుత్వం సూపర్ న్యూస్.. ఇక నో టెన్షన్..
*ఇంటర్ విద్యార్థులకు ఏపీ ప్రభుత్వం శుభవార్త.. లక్ష మందికి పూర్తి ఉచితంగా..
ప్రణాళిక శాఖపై సీఎం సమీక్ష
మరోవైపు ప్రణాళిక శాఖపై ఏపీ ముఖ్యమంత్రి నారా చంద్రబాబు నాయుడు మంగళవారం సమీక్ష నిర్వహించారు. ఏపీ ఎకానమీ, జీఎస్‌డీపీ ప్రొజెక్షన్స్‌, గ్రోత్‌ డ్రైవర్స్‌, కీ పెర్ఫామెన్స్ ఇండికేటర్లపై సమీక్షించారు. 2024-25లో జాతీయ స్థాయికి మించి ఆంధ్రప్రదేశ్ రాష్ట్రం తలసరి ఆదాయం పెరిగిందని ఈ సందర్భంగా అధికారులు చంద్రబాబుకు వివరించారు. జాతీయ స్థాయిలో సరాసరి తలసరి ఆదాయం 8.7 శాతం ఉంటే.. ఆంధ్రప్రదేశ్ రాష్ట్రం విషయానికి వస్తే 11.89 శాతంగా నమోదైనట్లు వివరించారు.
*ఏపీలోని ఆ ప్రాంతాల్లో కొత్త రూల్స్.. అక్టోబర్ 2 నాటికి అస్సలు కనిపించకూడదన్న సీఎం
మరోవైపు ఆంధ్రప్రదేశ్ స్వయం సమృద్ధి సాధించాలంటే ఏం చేయాలన్న దాని గురించి డేటా అనలిటిక్స్ చేయాలని చంద్రబాబు అధికారులకు సూచించారు. సర్వీస్ సెక్టార్ అభివృద్ధి జరిగేలా చూడాలన్నారు. కీ పెర్ఫామెన్స్ ఇండికేటర్లను గ్రామస్థాయిలో కూడా పెడితే.. పోటీ తత్వం కూడా పెరుగుతుందని చెప్పారు. రాష్ట్రం 15 శాతం వృద్ధి లక్ష్యంగా ప్రణాళికలు రూపొందించాలని సూచించారు. అలాగే పనితీరును మెరుగుపరుచుకోవాలని అధికారులను సీఎం చంద్రబాబు ఆదేశించారు.
రచయిత గురించివంకం వెంకటరమణవంకం వెంకటరమణ సమయం తెలుగులో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ క్రీడావార్తలతో పాటు జాతీయ, అంతర్జాతీయ వ్యవహారాలకు సంబంధించిన తాజా వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 6 సంవత్సరాల అనుభవం ఉంది. గతంలో ప్రముఖ మీడియా సంస్థల్లో స్పోర్ట్స్, పొలిటికల్ న్యూస్, ఇతర రంగాలకు సంబంధించి వార్తలు రాశారు.… ఇంకా చదవండి
