తెలంగాణలో ఫోన్ ట్యాపింగ్ విషయంపై ఏపీసీసీ చీఫ్ వైఎస్ షర్మిల సంచలన వ్యాఖ్యలు చేశారు. ఫోన్ ట్యాపింగ్ జరిగిందనేది నిజమని వైఎస్ షర్మిల అన్నారు. తన ఫోన్, తన భర్త ఫోన్, తన దగ్గర వాళ్ల ఫోన్లు ట్యాప్ చేశారని వైఎస్ షర్మిల ఆరోపించారు. విశాఖలో మీడియాతో మాట్లాడిన వైఎస్ షర్మిల.. ఫోన్ ట్యాపింగ్ జరిగినట్లు స్వయంగా వైవీ సుబ్బారెడ్డి నిర్ధారించారని అన్నారు. ట్యాపింగ్ ఆడియో ఒకటి తనకు వినిపించారని చెప్పుకొచ్చారు. ఫోన్ ట్యాపింగ్‌పై విచారణకు ఎక్కడికైనా వస్తానని.. విచారణ వేగవంతం చేయాలని కోరారు. ఫోన్ ట్యాపింగ్ ద్వారా తెలంగాణలో తనను రాజకీయంగా, ఆర్థికంగా అణగదొక్కే కుట్ర జరిగిందని వైఎస్ షర్మిల ఆరోపించారు. కేసీఆర్, జగన్ కలిసి ప్లాన్ చేశారని వైఎస్ షర్మిల ఆరోపించారు.
By .
