Ongole People High BP And Diabetes: ఆంధ్రప్రదేశ్‌లో వైద్య ఆరోగ్యశాఖ నిర్వహించిన సర్వేలో ఆసక్తికర విషయాలు వెల్లడయ్యాయి. ప్రకాశం జిల్లాలోని ఒంగోలు మండలంలో అధిక రక్తపోటు, మధుమేహం కేసులు ఎక్కువగా ఉన్నట్లు గుర్తించారు. బాపట్ల జిల్లాలోని 12 మండలాలు కూడా ఈ రెండు వ్యాధులు అధికంగా ఉన్న టాప్-20 మండలాల్లో ఉన్నాయి. ఆహారపు అలవాట్లు, వ్యాయామం లేకపోవడమే దీనికి ప్రధాన కారణమని వైద్యులు చెబుతున్నారు. రాష్ట్రంలో పరీక్షలు పెరిగే కొద్దీ గణాంకాలు మారే అవకాశం ఉంది.
హైలైట్:
- ఆంధ్రప్రదేశ్ ప్రజల ఆరోగ్యంపై సర్వే
- ఆ నగరంలో ఎక్కువమందికి షుగర్, బీపీ
- ఎక్కువమంది షుగర్, బీపీలతో ఉన్నారు
రాష్ట్రంలోని టాప్-20 మండలాలను చూస్తే.. అధిక రక్తపోటు (హై బీపీ) ఉన్నవారు 17.17% నుంచి 12.67% మధ్య ఉన్నారు. బాపట్ల మండలం వేమూరులో అత్యధికంగా 17.17% మందికి బీపీ ఉంది. కోనసీమ జిల్లాలో అధిక రక్తపోటు (హై బీపీ) బాధితులు ఎక్కువగా ఉన్నారు. రాజోలు, అమలాపురం, మలికిపురం, మామిడికుదురు, అంబాజీపేట మండలాల్లో బీపీ ఎక్కువగా ఉంది. మధుమేహం కేసులు ఎక్కువగా ఉన్న టాప్-20 మండలాల్లో 10.38% నుంచి 7.34% వరకు ఉన్నారు. బాపట్ల జిల్లా వేటపాలెం మండలంలో 10.38% కేసులు ఉన్నాయి. టాప్-20లో కొరిశపాడు, చీరాల, జె.పంగులూరు మండలాలు ఉన్నాయి.
ఏపీలోని ఆ నగరంలో ప్రతి నలుగురిలో ఒకరికి హై బీపీ, షుగర్.. కారణం ఇదేనట
సర్వేలో తేలిన వివరాల ప్రకారం, రాష్ట్రవ్యాప్తంగా అధిక రక్తపోటు ఉన్నవారు 16.61%, మధుమేహం ఉన్నవారు 13.09%, రెండు సమస్యలు ఉన్నవారు 8.57%మంది ఉన్నారు. పరీక్షల సంఖ్య పెరిగే కొద్దీ.. ఈ లెక్కలు మళ్లీ మారుతాయంటున్నారు అధికారులు. ప్రజలు ఆహారపు అలవాట్లను మార్చుకుని, వ్యాయామం చేస్తే ఈ వ్యాధుల నుంచి ఆరోగ్యాన్ని కాపాడుకోవచ్చు. మొత్తం ఏపీలో ప్రజలకు బీపీ, షుగర్‌లు ఎక్కువగా ఉన్నట్లు తేలింది.
రచయిత గురించితిరుమల బాబుతిరుమల బాబు సమయం తెలుగులో సీనియర్ డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ ఏపీ, తెలంగాణకు సంబంధించిన తాజా వార్తలు, రాజకీయ వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 11 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్ న్యూస్, ఇతర రంగాలకు సంబంధించి వార్తలు రాశారు.… ఇంకా చదవండి
