Visakhapatnam Yogandhra 2025 Guinness Record,విశాఖపట్నం యోగాంధ్ర 2025 గిన్నిస్ రికార్డ్.. గుజరాత్ పేరిట ఉన్న రికార్డ్ బ్రేక్, ప్రత్యేకతలివే – andhra pradesh visakhapatnam yogandhra creates new guinness record

యోగాంధ్ర కార్యక్రమం కోసం ఏర్పాట్లు బాగా చేయడం వల్లే ఈ కార్యక్రమం ప్రశాంతంగా ముగిసిందని.. ప్రధాని వ్యాఖ్యలు తమపై మరింత బాధ్యతను పెంచాయన్నారు. యోగాంధ్ర కార్యక్రమం ఆంధ్రుల విజయంగా అభిప్రాయపడ్డారు. అమరావతిని పరిపాలన సౌలభ్యం కోసం రాజధానిగా ఏర్పాటు చేశామన్నారు మంత్రి లోకేష్. అన్ని ప్రాంతాలకు అభివృద్ధిని వికేంద్రీకరిస్తామని.. దక్షిణ భారతదేశంలో విశాఖపట్నాన్ని ఒక గొప్ప ఐటీ హబ్‌గా తీర్చిదిద్దుతామన్నారు. విశాఖపట్నంలో ఐదు లక్షల ఐటీ ఉద్యోగాలు తీసుకురావాలని లక్ష్యంగా పెట్టుకున్నామన్నారు.

మరోవైపు అంతర్జాతీయ యోగా దినోత్సవం సందర్భంగా మరో రికార్డును కూడా సాధించారు. శుక్రవారం రోజు గిరిజన విద్యార్థులు ఏకంగా గిన్నిస్‌ రికార్డు సృష్టించారు. విశాఖపట్నంలోని ఆంధ్ర యూనివర్శిటీ ఇంజనీరింగ్‌ కాలేజీ గ్రౌండ్‌లో శుక్రవారం సాయంత్రం ఈ కార్యక్రమాన్ని నిర్వహించారు. ‘అల్లూరి సీతారామరాజు జిల్లాలోని 106 పాఠశాలలకు చెందిన 25వేల మంది విద్యార్థులు పాల్గొని 108 నిమిషాల్లో 108 సూర్య నమస్కారాలు చేశారు. ఈ కార్యక్రమాన్ని గిన్నిస్‌ బుక్‌ ఆఫ్‌ వరల్డ్‌ రికార్డు ప్రతినిధులు పర్యవేక్షించారు’ అని అధికారులు తెలిపారు. ఇవాళ అంతర్జాతీయ యోగా దినోత్సవం సందర్భంగా ప్రధాని మోదీ, ముఖ్యమంత్రి చంద్రబాబు సహా పలువురు నేతలు కలిసి ప్రత్యేకంగా రూపొందించిన పోస్టల్ స్టాంపులను విడుదల చేశారు. యోగా ఫర్ వన్ ఎర్త్, వన్ హెల్త్ అనే థీమ్‌తో ఈ కార్యక్రమాన్ని నిర్వహించారు. నెల రోజులుగా ఈ కార్యక్రమాన్ని చేపట్టారు.. విశాఖపట్నం యోగాంధ్రకు భారీ ఏర్పాట్లు చేశారు.