Ys Jagan Vehicle Crushed Singaiah,జగన్‌ వాహనం కింద పడే సింగయ్య మృతి.. వెలుగులోకి మరో వీడియో – ys jagan vehicle crushed singaiah to death during ysr congress party rally in palnadu latest video goes viral

అయితే ముందుగా దీనిపై కేసు నమోదు చేసిన పోలీసులు.. ఒక వాహనం ఢీకొనడం వల్లే సింగయ్య చనిపోయాడని ప్రాథమికంగా నిర్ధారించారు. కానీ తర్వాత బయటకు వచ్చిన వీడియోలో.. ప్రైవేటు వాహనం ఢీకొనటంతో చీలి సింగయ్య రోడ్డుపై పడిపోయారని.. కారు టైరు అతని భుజం మీదుగా వెళ్లిందని గుర్తించారు. ఇక తాజాగా వైరల్ అవుతున్న వీడియోలో సింగయ్యను ఢీకొట్టింది జగన్ వాహనమే అని తెలిసింది.

సింగయ్య వాహనం టైరు కింద ఉండగా.. అదే వాహనం మీద జగన్ నిలబడి.. అభిమానులకు అభివాదం చేస్తున్నారు. పల్నాడు పర్యటన నేపథ్యంలో.. జగన్‌ను కలిసేందుకు భారీ ఎత్తున అభిమానులు తరలి వచ్చారు. దీంతో జగన్.. వాహనం మీద నిలబడి వారికి అభివాదం చేస్తున్నాడు. సరిగా ఇదే వాహనం కింద సింగయ్య పడిపోయాడు. అతడి భుజం మీదకు వాహనం ఎక్కింది. అలానే ముందుకు సాగింది. ప్రస్తుతం ఈ వీడియో సోషల్ మీడియాలో వైరల్ అవుతుంది.

అయితే ముందుగా పోలీసులు ఓ ప్రైవేటు వాహనం ఢీకొట్టడం వల్ల సింగయ్య చనిపోయాడని తెలిపారు. ఒక ప్రైవేట్ వాహనం ఢీకొట్టడంతో సింగయ్య రోడ్డు మీద పడిపోయారని.. ఆ తర్వాత ఆ వాహనం టైరు అతని భుజం మీదుగా వెళ్లిందన్నారు. ఈ ఘటనలో తీవ్రంగా గాయపడిన సింగయ్యను గమనించిన చుట్టుపక్కల వారు వెంటనే అతడిని ఆస్పత్రికి తరలించారు. కానీ అప్పటికే అతడు మరణించినట్లు వైద్యులు ధ్రువీకరించారు. సింగయ్య మృతిపై అతని కుటుంబసభ్యులు ఫిర్యాదు చేశారని.. చట్టపరమైన చర్యలు తీసుకుంటామని హామీ ఇచ్చారు. మరి ఇప్పుడు ఈ కేసు ఎలాంటి మలుపు తిరుగుతుందో చూడాలి అంటున్నారు.