శ్రీశైలం వెళ్లే భక్తులకు ఒక చేదు అనుభవం ఎదురవుతోంది. గత మూడు నెలలుగా అక్కడ మొబైల్ సిగ్నల్స్ సరిగా రావడం లేదు. ఎయిర్టెల్, జియో వినియోగదారులు తీవ్రంగా ఇబ్బందులు పడుతున్నారు. కుటుంబ సభ్యులతో మాట్లాడలేక, ఆలయ ప్రాంగణంలో వారు ఎక్కడ ఉన్నారో తెలియక భక్తులు ఆందోళన చెందుతున్నారు. టెలికాం సంస్థలు స్పందించి సమస్యను పరిష్కరించాలని కోరుతున్నారు. మరి ఈ సమస్య ఎప్పుడు తీరుతుందో చూడాలి. ఇందుకు సంబంధించిన పూర్తి వివరాలు తెలియాలంటే ఈ వార్త చదవాల్సిందే..
శ్రీశైల మల్లన్న దర్శనం కోసం వచ్చే భక్తులకు మొబైల్ సిగ్నల్ కష్టాలు పెద్ద తలనొప్పిగా మారాయి. సెల్ వినియోగం పెరిగాక.. ఇంటి నుంచి బయటకు వెళ్లిన వారు కాల్ చేయకపోయినా.. వారికి కాల్ కలవకపోయినా.. ఆందోళన మొదలవుతుంది. మొబైల్ రింగ్ అయ్యి ఎత్తకపోతే అంత టెన్షన్ ఉండదు. కానీ అసలు కాల్ కనెక్ట్ కాకపోతే.. అబ్బో చాలా కంగారు పడాల్సి వస్తుంది. శ్రీశైలం దర్శనం కోసం వచ్చే భక్తులు కూడా ఇదే సమస్య ఎదుర్కొంటున్నారు. గత మూడు నెలలుగా శ్రీశైలం ప్రాంతంలో మొబైల్ సిగ్నల్స్ సరిగా రావడంలేదు.
ఇక తాజాగా నిన్న అనగా శనివారం నాడు కూడా భక్తులకు సెల్‌ఫోన్ సిగ్నల్ కష్టాలు తప్పలేదు. జూన్ 21, శనివారం సాయంత్రం నుండి బీఎస్ఎన్ఎల్ తప్ప ఇతర మొబైల్ నెట్‌వర్క్‌లు పని చేయడం లేదు. సిగ్నల్స్ లేక ఎయిర్టెల్, జియో వినియోగదారులు తీవ్రంగా ఇబ్బంది పడ్డారు. అయితే ఈ సమస్య నిన్నటిది మాత్రమే కాదని.. గత మూడు నెలలుగా శ్రీశైలం వచ్చే ఎయిర్టెల్, జియో వినియోగదారులు సిగ్నల్స్ సమస్య ఎదుర్కుంటున్నారని తెలిసింది.
శ్రీశైలంలో భక్తులకు కొత్త కష్టాలు.. 3 నెలలుగా ఇబ్బంది పడుతున్నా పట్టించుకోని సంస్థలు!
ఈ సమస్యపై ఇప్పటికే ఎందరో భక్తులు ఫిర్యాదు చేసినా.. ఈ రెండు టెలికాం సంస్థలు మాత్రం బెల్లం కొట్టిన రాయిలా స్పందించకుండా ఉన్నాయి. శ్రీశైలం వెళ్లే భక్తుల్లో చాలా మందితో పాటుగా.. అక్కడే నివాసం ఉండే స్థానికుల్లో చాలా మంది కూడా ఎయిర్టెల్, జియో సిమ్‌లు వాడుతున్నారు. కానీ శ్రీశైలం ప్రాంతంలో బీఎస్ఎన్ఎల్ తప్ప మిగతా సిగ్నల్స్ ఏవి కూడా సరిగా రావడం లేదు. మూడు నెలల నుంచి ఈ సమస్యను ఎదుర్కొంటున్నారు.
ఆధ్యాత్మిక క్షేత్రం కావడంతో శ్రీశైలంకు వచ్చిన భక్తులు సిగ్నల్స్ లేక.. తమ కుటుంబీకులు ఎక్కడ వున్నారో, ఎక్కడికి వెళ్లాలో తెలియక ఇబ్బందులు పడుతున్నారు. ఇప్పటికైనా ఎయిర్టెల్, జియో సంస్థలు మెరుగైన సేవలు అందించాలని స్థానికులు, భక్తులు కోరుతున్నారు. మరి ఈ సమస్యపై ఆయా సంస్థలు ఏవిధంగా స్పందిస్తాయో చూడాలి.
రచయిత గురించిపిల్లి ధ‌ర‌ణిపిల్లి.ధ‌ర‌ణి సమయం తెలుగులో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ ఏపీ, తెలంగాణ, జాతీయ, అంత‌ర్జాతీయానికి సంబంధించిన తాజా వార్తలు, రాజకీయ వార్తలు, ప్రత్యేక కథనాలు అందిస్తుంటారు. తనకు జర్నలిజంలో 7 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్, సినిమా, ఇతర రంగాలకు సంబంధించి వార్తలు రాశారు.… ఇంకా చదవండి
