కార్బోహైడ్రేట్లు తగ్గించి ప్రోటీన్ ఎక్కువగా ఉండే ఆహారం తినడం వల్ల రక్తంలో చక్కెర స్థాయిలు త్వరగా పెరగవు. ఉదాహరణకు గుడ్లు, పనీర్, చికెన్, శనగలు లాంటి ప్రోటీన్ ఉన్న పదార్థాలు అరిగే ప్రక్రియను సమతుల్యం చేస్తాయి. ఇవి గ్లూకోజ్ ను నెమ్మదిగా రక్తంలోకి పంపుతాయి. దాంతో తిన్న వెంటనే షుగర్ పెరగదు.
ఆకుకూరలు, కూరగాయలు, శనగలు, బీన్స్ లాంటి వాటిలో కరిగే ఫైబర్ ఉంటుంది. ఇది శరీరం కార్బోహైడ్రేట్లను ఎలా పీల్చుకుంటుందో దానిపై ప్రభావం చూపుతుంది. ఫైబర్ ఉన్న ఆహారం వల్ల రక్తంలోని షుగర్ స్థాయిలు ఒక్కసారిగా పెరగకుండా.. స్థిరంగా ఉంటాయి.
సాధారణంగా కొవ్వులు అంటే దూరంగా ఉండాలనిపిస్తుంది. కానీ ఆలివ్ ఆయిల్, అవకాడో, బాదం, వాల్‌ నట్స్ లాంటి ఆరోగ్యకరమైన కొవ్వులు షుగర్ స్థాయిలపై ప్రభావం చూపవు. అవి శరీరానికి కావాల్సిన శక్తిని ఇస్తాయి. ఇవి ఇన్సులిన్ పనితీరును మెరుగుపరచడంలో సాయపడతాయి.
చిన్న మోతాదులో నిమ్మరసం లేదా ఆపిల్ సైడర్ వెనిగర్‌ ను మీ భోజనంలో కలిపితే ఆహారం షుగర్ ను పెంచే గుణం తగ్గుతుంది. అంటే అదే ఆహారం తిన్నా షుగర్ స్థాయిలు తక్కువగా ఉంటాయి. ఇది ముఖ్యంగా బ్రెడ్, బియ్యం, పోహా లాంటి ఆహారాలపై బాగా పనిచేస్తుంది. ఇది ఇన్సులిన్ కు శరీరం స్పందించే విధానాన్ని మెరుగుపరుస్తుంది.
రోజంతా కొద్ది కొద్దిగా తింటూ ఉండటం వల్ల శరీరంలోని గ్లూకోజ్ స్థాయిలు అదుపులో ఉంటాయి. ఒక్కసారిగా ఎక్కువగా తినడం వల్ల షుగర్ ఒక్కసారిగా పెరగడం సాధారణం. ఇది రాకుండా ఉండాలంటే.. సరైన సమయానికి చిన్నపాటి టిఫిన్లు, మధ్యాహ్న భోజనం, తక్కువ సాయంత్రం భోజనం తీసుకోవడం మంచిది.
చక్కెర ఎక్కువగా ఉండే డ్రింక్ లు, ప్రాసెస్ చేసిన ఆహారాలు, బేకరీ ఫుడ్స్ లాంటివి రక్తంలో షుగర్ స్థాయిని వేగంగా పెంచుతాయి. చాలా చోట్ల చక్కెర నేరుగా కనిపించకపోయినా.. ప్యాక్ చేసిన పదార్థాల్లో హై ఫ్రక్టోస్ కార్న్ సిరప్, షుగర్ లాంటి పదార్థాలు కలిసి ఉంటాయి. ఇవి కూడా షుగర్ ను వేగంగా పెంచుతాయి. కాబట్టి వాటిని పూర్తిగా తగ్గించాలి లేదా పూర్తిగా మానేయాలి.
రక్తంలో చక్కెర స్థాయిలను అదుపు చేసుకోవాలంటే రోజువారీ తినే అలవాట్లలో చిన్న మార్పులు చేస్తే చాలు. ఆరోగ్యకరమైన ప్రోటీన్లు, ఫైబర్, మంచి కొవ్వులు, సహజమైన రుచులు వాడటం ద్వారా షుగర్ స్థాయిలు నియంత్రణలో ఉంటాయి. ఈ సూచనలను పాటించండి.. ఆరోగ్యంగా ఉండండి.
(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)
