మకరం: ఈ రాశికి అయిదవ స్థానంలో శుక్ర సంచారం వల్ల వృత్తి, ఉద్యోగాల్లోనే కాక సామాజికంగా కూడా హోదా, స్థాయి పెరుగుతాయి. షేర్లు, స్పెక్యులేషన్లు, ఆర్థిక లావాదేవీలు, జూదాలు, వడ్డీ వ్యాపారాల వంటి వాటి వల్ల ఆదాయం బాగా వృద్ధి చెందుతుంది. రాజపూజ్యాలు బాగా పెరుగుతాయి. ప్రముఖులతో పరిచయాలు పెరుగుతాయి. ఉద్యోగంలో అందలాలు ఎక్కుతారు. సరికొత్త నైపుణ్యాలను అలవరచుకుంటారు. పిల్లలు బాగా వృద్ధిలోకి వస్తారు. సంతాన యోగానికి బాగా అవకాశం ఉంది.
