పోలీసులు తెలిపిన వివరాల ప్రకారం హర్దోయి జిల్లాలోని ఓ గ్రామానికి చెందిన 25 ఏళ్ల మహిళ తన ప్రేమికుడిని కలవడానికి వెళ్లింది. అనుమానంతో భర్త రాంఖిలవన్ ఆమెను వెంబడించి వెళ్ళాడు. చూస్తుండగానే భార్య ఒక వ్యక్తి ఇంట్లోకి ప్రవేశించి అతడితో చనువుగా మెలగడం గమనించాడు. ఈ దృశ్యం చూడగానే రాంఖిలవన్ ఆగ్రహానికి గురి అయ్యాడు. ఆగ్రహం పట్టలేక పోయాడు. వెంటనే ప్రియుడితో రెడ్ హ్యాండెడ్ గా పట్టుబడిన భార్యను నిలదీశాడు. ఇద్దరి మధ్య తీవ్ర కలహం చోటుచేసుకుంది. కోపం పట్టలేక ప్రియుడు చూస్తుండగానే భార్య ముక్కును కోరికి పారేశాడు. బాధతో ఆమె గట్టిగా కేకలు వేయడంతో స్థానికులు పోగయ్యారు. జరిగిన దారుణం గురించి పోలీసులకు సమాచారం అందించారు. ముక్కు నుంచి తీవ్ర రక్తస్రావం అవుతున్న మహిళను హర్దోయి మెడికల్ కాలేజీకి తరలించారు. ఆమె పరిస్థితి విషమంగా ఉండటంతో మెరుగైన చికిత్స కోసం లక్నోలోని ఆసుపత్రికి తరలించాలని వైద్యులు సూచించారు. ఆమె భర్తను అదుపులోకి తీసుకుని విచారిస్తున్నామని అదుపు ఎస్పీ నరేంద్రకుమార్ తెలిపారు. కేసును అన్ని కోణాల నుండి దర్యాప్తు చేసి చట్టపరమైన చర్యలు తీసుకుంటామని ఆయన తెలిపారు.
మరిన్ని వీడియోల కోసం :
