Devineni Uma Maheswara Rao: మాజీ మంత్రి దేవినేని ఉమా టీడీపీని వీడుతున్నారనే ఊహాగానాలకు తెరపడింది. ఆయన వైఎస్సార్‌సీపీలో చేరతారనే వార్తలు సోషల్ మీడియాలో హల్ చల్ చేశాయి. దీనిపై దేవినేని ఉమా స్పందించారు.. టీడీపీని వీడుతున్నట్లు జరుగుతున్న ప్రచారంపై ట్వీట్ చేశారు. అవన్నీ పుకార్లేనని కొట్టిపారేశారు. చంద్రబాబు, లోకేష్ పాలన చూసి జగన్ ఓర్వలేకపోతున్నారని విమర్శించారు. పార్టీ మారే ప్రసక్తి లేదని తేల్చి చెప్పడంతో కార్యకర్తలు ఊపిరి పీల్చుకున్నారు. అసలు ఈ ప్రచారానికి కారణం ఏమిటి?
హైలైట్:
- టీడీపీ మాజీ మంత్రి పార్టీని వీడబోతున్నారా
- త్వరలో వైఎస్సార్‌సీపీలో చేరబోతున్నారా
- పార్టీ మార్పుపై స్పందించిన మాజీ మంత్రి
‘ప్రజలు 11 సీట్లతో బుద్ధిచెప్పినా వైఎస్ జగన్ ఫేక్ ప్రచారాలు మానలేదు. నీ పార్టీ ఉనికి కాపాడు కోవడం కోసం ఇంతలా దిగజారాలా? ముఖ్యమంత్రి చంద్రబాబు నాయుడు, మంత్రి నారా లోకేష్‌ల ఏడాది సుపరిపాలనా తీరుతో జగన్ వెన్నులో వణుకు మొదలైంది. ఇటువంటి తప్పుడు పనులు మానకపోతే 2029 లో వైసీపీ సింగిల్ సీటు గెలుచుకోవడం కూడా కష్టమే’ అంటూ మాజీ మంత్రి దేవినేని ఉమామహేశ్వరరావు ట్వీట్ చేశారు. దీంతో దేవినేని ఉమా పార్టీ మారడం లేదని తేలింది.. తాను టీడీపీలో కొనసాగుతానని తేల్చి చెప్పారు.
దేవినేని ఉమామహేశ్వరరావు మొదటి నుంచి టీడీపీలో ఉన్నారు. 1999లో ఆయన నందిగామ నియోజకవర్గం నుంచి ఎమ్మెల్యేగా పోటీచేసి విజయం సాధించారు. 2004లో కూడా నందిగామలో రెండోసారవి గెలుపొందారు. అయితే 2009 ఎన్నికల నాటికి నందిగామ ఎస్సీ నియోజకవర్గం కావడంతో ఆయన నియోజకవర్గం మారారు. 2009 ఎన్నికల్లో మైలవరం నుంచి ఎమ్మెల్యేగా పోటీచేసి గెలిచారు.. 2014 ఎన్నికల్లో మళ్లీ మైలవరం నుంచి పోటీచేసి విజయాన్ని అందుకున్నారు. అంతేకాదు చంద్రబాబు కేబినెట్‌లో జలవనరుల శాఖ మంత్రిగా పని చేశారు.
వైసీపీలోకి టీడీపీ మాజీ మంత్రి.. ఇదేం ట్విస్ట్, ఓహో అసలు సంగతి ఇదా!
దేవినేని ఉమామహేశ్వరరావు 2019 ఎన్నికల్లో మైలవరం నుంచి పోటీచేసి ఓడిపోగా.. 2024లో మళ్లీ మైలవరం టికెట్ ఆశించారు. కానీ ఉమాకు టీడీపీ టికెట్ ఇవ్వలేదు.. ఆయన బదులు వైఎస్సార్‌సీపీ నుంచి టీడీపీలోకి వచ్చిన వసంత కృష్ణప్రసాద్‌కు టికెట్ ఇవ్వగా.. ఆయన గెలుపొందారు. వసంత గెలుపు కోసం దేవినేని ఉమామహేశ్వరరావు పనిచేశారు. అయితే దేవినేనికి ఎమ్మెల్సీ పదవి వస్తుందని.. రాజ్యసభకు పంపుతారని ఊహాగానాలు వినిపించాయి.. కానీ టీడీపీ ఇంకా ఎలాంటి పదవి కేటాయించలేదు.
రచయిత గురించితిరుమల బాబుతిరుమల బాబు సమయం తెలుగులో సీనియర్ డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ ఏపీ, తెలంగాణకు సంబంధించిన తాజా వార్తలు, రాజకీయ వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 11 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్ న్యూస్, ఇతర రంగాలకు సంబంధించి వార్తలు రాశారు.… ఇంకా చదవండి
