ఆంధ్రప్రదేశ్ రాజకీయాల్లో అనూహ్య మార్పు చోటుచేసుకుంది. టీడీపీకి రాజీనామా చేసిన సీనియర్ నేత సుగవాసి బాలసుబ్రహ్మణ్యం వైసీపీలో చేరారు. జగన్ మోహన్ రెడ్డి సమక్షంలో ఆయన పార్టీ కండువా కప్పుకున్నారు. గత కొంతకాలంగా టీడీపీ అధిష్టానంపై అసంతృప్తితో ఉన్న ఇటీవల రాజీనామా చేశారు. తాజాగా వైసీపీలో చేరుతూ నిర్ణయం తీసుకున్నారు. స్థానిక టీడీపీలో విభేదాలే సుగవాసి బాలసుబ్రమణ్యం పార్టీ మార్పునకు కారణమని తెలుస్తోంది.
అధికార టీడీపీకి బిగ్ షాక్.. 40 ఏళ్ల బంధాన్ని తెంచుకుని వైసీపీలో చేరిన సీనియర్ లీడర్
రాజంపేట నియోజకవర్గం టీడీపీలో విభేదాల వలనే ఆయన పార్టీ మారినట్లు తెలుస్తోంది.రాజంపేట పార్లమెంట్ నియోజకవర్గం టీడీపీ ఇంఛార్జి జగన్‌మోహన్ రాజు, మాజీ ఎమ్మెల్సీ చెంగల్‌రాయుడు, సుగవాసి సుబ్రహ్మణ్యం మధ్య విభేదాలు ఉన్నట్లు ప్రచారం జరుగుతోంది. ఈ క్రమంలోనే సుగవాసి సుబ్రమణ్యం టీడీపీని వీడి వైసీపీలో చేరినట్లు తెలిసింది. మరోవైపు సుగవాసి బాలసుబ్రమణ్యం తండ్రి.. సుగవాసి పాలకొండ్రాయడు చనిపోయినప్పుడు.. పార్టీ తరుఫున ఎవరూ రాలేదనే ఆవేదనతోనూ ఆయన ఉన్నట్లు సమాచారం.
రచయిత గురించివంకం వెంకటరమణవంకం వెంకటరమణ సమయం తెలుగులో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ క్రీడావార్తలతో పాటు జాతీయ, అంతర్జాతీయ వ్యవహారాలకు సంబంధించిన తాజా వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 6 సంవత్సరాల అనుభవం ఉంది. గతంలో ప్రముఖ మీడియా సంస్థల్లో స్పోర్ట్స్, పొలిటికల్ న్యూస్, ఇతర రంగాలకు సంబంధించి వార్తలు రాశారు.… ఇంకా చదవండి
