Close Menu
ఆంధ్రప్రదేశ్

Andhra Pradesh Parent Teacher Meeting In June 5th,ఏపీలో స్కూల్ విద్యార్థులు, తల్లిదండ్రులకు శుభవార్త.. జులై 5న పక్కా, రెడీగా ఉండండి – andhra pradesh mega parents teachers meeting on july 5th 2025

.By .No Comments0 Views
Andhra Pradesh Parent Teacher Meeting In June 5th,ఏపీలో స్కూల్ విద్యార్థులు, తల్లిదండ్రులకు శుభవార్త.. జులై 5న పక్కా, రెడీగా ఉండండి – andhra pradesh mega parents teachers meeting on july 5th 2025


Andhra Pradesh Parents Teachers Mega Meeting: ఆంధ్రప్రదేశ్ ప్రభుత్వం జూలై 5న పాఠశాలల్లో తల్లిదండ్రులు, ఉపాధ్యాయుల సమావేశం నిర్వహించనుంది, దీనిలో విద్యార్థుల ప్రోగ్రెస్ కార్డులు అందజేస్తారు. గిరిజన గురుకుల ఉపాధ్యాయుల రెన్యువల్, పాఠశాలల నిర్వహణకు నిధుల విడుదల, బీసీ గురుకులాల్లో ఆర్వో ప్లాంట్ల ఏర్పాటు వంటి నిర్ణయాలు తీసుకుంది. ఆప్కో ఎండీగా రేఖారాణికి అదనపు బాధ్యతలు, కేవీఐబీ సీఈవోగా ఎన్.రవికుమార్ నియామకం జరిగాయి. అనంతపురంలో నకిలీ ఈ-స్టాంపుల కుంభకోణంపై మంత్రి విచారణకు ఆదేశించారు.

హైలైట్:

  • ఏపీలో మరోసారి మెగా పేరెంట్స్, టీచర్స్ మీటింగ్
  • జులై 5న సమావేశాన్ని నిర్వహిస్తున్నట్లు ప్రకటన
  • 1.49 కోట్ల మంది పేరెంట్స్, 3.32 లక్షల టీచర్స్
ఏపీ తల్లిదండ్రులు ఉపాధ్యాయుల సమావేశం
ఏపీ తల్లిదండ్రులు ఉపాధ్యాయుల సమావేశం (ఫోటోలు– Samayam Telugu)
ఆంధ్రప్రదేశ్ ప్రభుత్వం మరో కీలక నిర్ణయం తీసుకుంది. జులై 5న రాష్ట్రంలోని అన్ని పాఠశాలల్లో తల్లిదండ్రులు, ఉపాధ్యాయుల మెగా సమావేశం నిర్వహించేందుకు సిద్ధమైంది. తల్లిదండ్రులు, ఉపాధ్యాయులు, పాఠశాలల మధ్య బంధాన్ని బలోపేతం చేసేందుకు ఈ సమావేశం ఓ కీలక వేదిక అని సమగ్ర శిక్షా అభియాన్‌ ప్రాజెక్టు డైరెక్టర్‌ బి శ్రీనివాసరావు తెలిపారు. ఈ మెగా పేరెంట్స్, టీచర్ సమావేశంలో రాష్ట్ర వ్యాప్తంగా 74.96 లక్షల మంది విద్యార్థులు, 1.49 కోట్ల మంది తల్లిదండ్రులు, 3.32 లక్షల మంది ఉపాధ్యాయులు, దాతలు పాల్గొంటారని చెప్పారు. ఈ మేరకు విద్యార్థుల సమగ్ర పురోగతి (ప్రోగ్రెస్) కార్డులను అందిస్తామని తెలిపారు. ఈ మెగా ఈవెంట్‌లో భాగంగా కుటుంబ ఫొటో బూత్‌లు, డ్రీమ్ వాల్స్, పాజిటివ్‌ పేరెంటింగ్‌ సెషన్లు, అమ్మ పేరుతో మొక్క నాటడం వంటి కార్యక్రమాలు చేపడతారు. మరోవైపు రాష్ట్రవ్యాప్తంగా గిరిజన గురుకులాల్లో పనిచేస్తున్న 1,659 మంది ఔట్ సోర్సింగ్ ఉపాధ్యాయులను ప్రభుత్వం రెన్యూవల్‌ చేసింది. 2025 జూన్‌ 1 నుంచి 2026 ఏప్రిల్‌ 30 వరకు వీరు కొనసాగుతారని ప్రభుత్వం ఉత్తర్వులు జారీ చేసింది. ‘రాష్ట్రంలో ప్రభుత్వ పాఠశాలలకు 50% నిర్వహణ నిధులను విడుదల చేస్తూ సమగ్ర శిక్షా అభియాన్‌ ప్రాజెక్టు డైరెక్టర్‌ బి.శ్రీనివాసరావు ఆదేశాలు జారీచేశారు. రాష్ట్రంలో 44,055 పాఠశాలలకు రూ.54.74 కోట్లు విడుదల చేశారు. 2025-26 విద్యా సంవత్సరానికి కేంద్ర, రాష్ట్ర ప్రభుత్వాలు కలిపి పాఠశాల నిర్వహణకు రూ.109.49 కోట్లు ఇవ్వాల్సి ఉంది. రాష్ట్రంలో 55 బీసీ గురుకులాల్లో ఆర్వో ప్లాంట్లు ఏర్పాటుచేయాలని ప్రభుత్వం నిర్ణయించింది. ఇందుకు రూ.2.2 కోట్ల వ్యయం అవుతుందని అధికారులు ప్రాథమిక అంచనా వేసి టెండర్లు పిలిచారు. రాష్ట్రంలో 108 గురుకులాలు ఉండగా 53 గురుకులాల్లో ఇప్పటికే రక్షిత మంచినీరు అందుబాటులో ఉంది’ అని ప్రభుత్వం తెలిపింది.

ఏపీలో స్కూల్ విద్యార్థులు, తల్లిదండ్రులకు శుభవార్త.. జులై 5న పక్కా, రెడీగా ఉండండి

ఆప్కో ఎండీగా రేఖారాణికి మరో కీలక బాధ్యతల్ని అప్పగించింది ప్రభుత్వం. చేనేత, జౌళి శాఖల కమిషనర్‌ రేఖారాణికి ఆప్కో ఎండీగా ప్రభుత్వం పూర్తి అదనపు బాధ్యతలు అప్పగిస్తూ.ఉత్తర్వులు జారీ అయ్యాయి. రాష్ట్ర ఖాదీ, గ్రామీణ పరిశ్రమల బోర్డు (కేవీఐబీ) సీఈవోగా ఎన్‌.రవికుమార్‌ను ప్రభుత్వం నియమిస్తూ ప్రభుత్వం ఉత్తర్వులు జారీ చేసింది. ఇటు అనంతపురం జిల్లాలో నకిలీ ఈ-స్టాంపుల కుంభకోణంపై విచారించి నివేదిక ఇవ్వాలని రెవెన్యూ, రిజిస్ట్రేషన్, స్టాంపుల శాఖ మంత్రి అనగాని సత్యప్రసాద్‌ రిజిస్ట్రేషన్‌ శాఖ ఐజీ, డీఐజీలను ఆదేశించారు. మంత్రి స్టాంపుల శాఖ ఉన్నతాధికారులతో ఆన్‌లైన్‌లో మాట్లాడారు. అనంతపురం జిల్లా కళ్యాణదుర్గంలో ఇటీవల బయటపడిన ఈ-స్టాంపుల కుంభకోణంపై తీవ్ర ఆగ్రహం వ్యక్తం చేశారు. నకిలీ ఈ-స్టాంపుల్ని ఎవరు సృష్టించినా కఠినచర్యలు తీసుకుంటామని హెచ్చరించారు.

తిరుమల బాబు

రచయిత గురించితిరుమల బాబుతిరుమల బాబు సమయం తెలుగులో సీనియర్ డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ ఏపీ, తెలంగాణకు సంబంధించిన తాజా వార్తలు, రాజకీయ వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 11 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్ న్యూస్, ఇతర రంగాలకు సంబంధించి వార్తలు రాశారు.… ఇంకా చదవండి



Source link

Share.
.

Related Posts

Leave A Reply