Palnadu Crpf Jawan Video,లోకేష్ గారూ.. సాయం చేయండి.. జవాన్ వీడియో వైరల్ – crpf jawan pleads with minister lokesh local politicians blocking ancestral land sale in palnadu

మాచర్లకు చెందిన దార్ల రాందాస్ సీఆర్‌పీఎఫ్ జవాన్‌గా దేశానికి సేవలందిస్తున్నారు. రెండు నెలల క్రితం సెలవులపై ఇంటికి రాగా.. ఆ సమయంలో తమకు పూర్వీకుల నుండి సంక్రమించిన భూమిని అమ్ముకునేందుకు ప్రయత్నించారు. అయితే కొంతమంది రాజకీయ నేతలు ఆ భూమిని అమ్ముకోనివ్వకుండా అడ్డుపడ్డారు. దీంతో అప్పులతో సతమతమవుతూనే రాందాస్ డ్యూటీకి తిరిగి వెళ్లిపోయారు. మంత్రి నారా లోకేష్ తమ సమస్యను పరిష్కరించాలని వీడియోలో వేడుకున్నారు. అప్పుల భారంతో పూర్వీకుల నుండి సంక్రమించిన ఆస్తిని విక్రయించుకోవాలనుకున్నా సాధ్యం కావడం లేదని, స్థానిక రాజకీయ నాయకులు జోక్యం చేసుకొని ఇబ్బందులు పెడుతున్నట్లు పేర్కొన్నారు. ప్రస్తుతం ఈ వీడియో సోషల్ మీడియాలో వైరల్ అయింది.