హర్యానాలోని ఫరీదాబాద్‌లో అపస్మారక స్థితిలో ఉన్న తన కోడలిపై మామ దారుణానికి పాల్పడ్డాడు. ఆమెను గొంతు కోసి చంపాడు. అంతకంటే ముందు ఆమెను అత్యాచారం చేశాడు. తరువాత, కోడలి మృతదేహాన్ని అత్తమామలు ఒక గొయ్యిలో పూడ్చిపెట్టారు. రెండు నెలల తర్వాత, ఈ హత్య కేసు బయటపడింది. నిందితులైన మామ, అత్తగారిని పోలీసులు అరెస్టు చేశారు. భర్త పరారీలో ఉన్నాడు. ఈ కేసులో దర్యాప్తు కొనసాగుతోంది. విచారణలో ముందస్తు ప్రణాళికతోనే హత్య జరిగిందని తేలింది. పూర్తి వివరాలు ఇలా ఉన్నాయి.. 24 ఏళ్ల మహిళను హత్య చేయడానికి కుట్ర ఏప్రిల్ 15న జరిగిందని, ఆమె భర్త, అత్తగారు కూడా ఈ పథకంలో పాల్గొన్నారని ఆరోపణలు ఉన్నాయి.
ఏప్రిల్ 21 రాత్రి అరుణ్ తన భార్య, ఆమె సోదరి కాజల్ ఆహారంలో నిద్ర మాత్రలు కలిపాడు. వారిద్దరూ గ్రౌండ్, ఫస్ట్ ఫ్లోర్‌లోని వారి వారి గదుల్లో నిద్రపోయారు. అరుణ్ తండ్రి తన కోడలిని చంపాలని పథకం వేశాడు. అర్థరాత్రి కోడలి గదిలోకి ప్రవేశించి దుపట్టాతో ఆమెను గొంతు కోసి చంపడానికి సిద్ధమయ్యాడు. కానీ ఆమెను గొంతు కోసి చంపే ముందు, అపస్మారక స్థితిలోకి వెళ్లిన తన కోడలిపై కూడా అత్యాచారం చేశాడు.
కొంతసేపటి తర్వాత తన కొడుకును పైకి పిలిచి, ఇద్దరూ మృతదేహాన్ని ఎత్తి వీధిలో తవ్విన గుంతలో వేశారు. ఆ గుంతను ఇటుకలు, రాళ్లతో నింపారు. మురుగునీటి కోసం ఆ గుంత తవ్వారని ఆమె పొరుగువారికి చెప్పింది. అయితే తమ కోడలు కనిపించడం లేదని నిందితుడు, అతని భార్య నాటకాలు ఆడారు. కానీ, మృతురాలి కుటుంబ సభ్యులు పోలీసులకు ఫిర్యాదు చేయడంతో, పోలీసుల విచారణలో హత్య విషయం బయటపడింది. మృతురాలు రెండేళ్ల క్రితం అరుణ్‌ణు వివాహం చేసుకుంది. అయితే ఆమెను మామ ఎందుకు చంపాలని అనున్నాడనే విషయం తెలియరాలేదు.
మరిన్ని క్రైమ్ వార్తల కోసం ఇక్కడ క్లిక్ చేయండి
