ఆంధ్రప్రదేశ్ పర్యాటక రంగానికి ఊతమిచ్చేందుకు ప్రభుత్వం సరికొత్త ప్రణాళికలు రచిస్తోంది. హోమ్‌స్టేలు, మెరుగైన రవాణా సౌకర్యాలతో పర్యాటకులను ఆకర్షించాలని చూస్తోంది. తాజాగా, యోగా గురువు రామ్‌దేవ్ బాబాను బ్రాండ్ అంబాసిడర్గా నియమించేందుకు ప్రభుత్వం యోచిస్తోంది. సీఎం చంద్రబాబు విజ్ఞప్తికి రాందేవ్ బాబా కూడా సానుకూలంగా స్పందించారు. బాబా రాందేవ్ సహకారంతో రాష్ట్రంలో వెల్నెస్ సెంటర్‌లను ఏర్పాటు చేయనున్నారు. త్వరలోనే పర్యాటక రంగం కొత్త పుంతలు తొక్కనుంది!
ఏపీలోని పర్యాటక ప్రాంతాల గురించి ఉత్తర భారతదేశంలోని వారికి తెలియజేయాలని.. అలాగే పర్యాటక ప్రాంతాలలో ఆయుర్వేద, నేచురోపతి, యోగా వంటి అంశాలు అవసరమని అన్నారు. మరోవైపు అన్నమయ్య జిల్లాలోని హార్సిలీహిల్స్లో ఆధ్యాత్మిక, సాంస్కృతిక వెల్నెస్ కేంద్రాన్ని నిర్మించనున్నట్లు రాందేవ్ బాబా తెలిపారు.
సీఎం చంద్రబాబు విజ్ఞప్తి మేరకు అంతర్జాతీయ ప్రమాణాలతో హార్సిలీహిల్స్లో వెల్నెస్ కేంద్రాన్ని ఏర్పాటు చేయనున్నట్లు తెలిపారు. అలాగే విజయనగరం జిల్లా కొత్తవలసలో మెసర్స్‌ పతంజలి ఆయుర్వేద్ లిమిటెడ్ పేరుతో రూ.500 కోట్లతో భారీ ప్రాజెక్టును ఏర్పాటు చేస్తామని వెల్లడించారు. ఈ భూములను గురువారం ఆయన పరిశీలించిన సంగతి తెలిసిందే.
రచయిత గురించివంకం వెంకటరమణవంకం వెంకటరమణ సమయం తెలుగులో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ క్రీడావార్తలతో పాటు జాతీయ, అంతర్జాతీయ వ్యవహారాలకు సంబంధించిన తాజా వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 6 సంవత్సరాల అనుభవం ఉంది. గతంలో ప్రముఖ మీడియా సంస్థల్లో స్పోర్ట్స్, పొలిటికల్ న్యూస్, ఇతర రంగాలకు సంబంధించి వార్తలు రాశారు.… ఇంకా చదవండి
