Kodali Nani Surgery Belt,కొడాలి నాని షర్ట్‌కు స్పెషల్ బెల్ట్.. ఇంతకీ ఆ మెషిన్ ఎందుకంటే! – kodali nani wears surgery belt in gudivada

కొడాలి నాని కోర్టుకు హాజరైన మళ్లీ శుక్రవారం సాయంత్రం హైదరాబాద్ వెళ్లిపోయారు. కోర్టు దగ్గర నాని కనిపించడంతో పోలీసులు వెంటనే అప్రమత్తమయ్యారు. నానిని ఎవరు కలుస్తున్నారు.. వారి కదలికలు ఎలా ఉన్నాయని నిఘా పెట్టారు. 2022 డిసెంబర్‌లో రావి వెంకటేశ్వరరావుపై పెట్రోల్ బాంబులు, కర్రలు, రాడ్లతో దాడి చేశారనే ఆరోపణలు వచ్చాయి. ఈ ఘటనపై డీజీపీ ఆదేశాల మేరకు పోలీసులు మళ్లీ విచారణ చేస్తున్నారు. ఈ కేసులో 16 మందిని అరెస్టు చేసి కోర్టులో హాజరుపరిచిన సంగతి తెలిసిందే. అయితే ఈ కేసులో నిందితులు కొడాలి నాని చెప్పడం వల్లే దాడి చేసినట్లు ఒప్పుకున్నట్లు తెలుస్తోంది. ఈ కేసులోనే కొడాలి నాని ముందస్తు బెయిల్ కోసం హైకోర్టును ఆశ్రయించగా.. హైకోర్టు కింది కోర్టుకు వెళ్లమని సూచించింది. అందుకే ఆయన కింది కోర్టును ఆశ్రయించగా ముందస్తు బెయిల్ వచ్చింది.

ఏపీ ఎన్నికల ఫలితాల తర్వాత కొడాలి నాని హైదరాబాద్‌లో ఉంటున్నారు. ఈ క్రమంలో ఆయన ఇటీవల అనారోగ్యానికి గురై హైదరాబాద్‌లోని ప్రైవేట్ ఆస్పత్రిలో చేరారు. అనంతరం మెరుగైన వైద్యం కోసం నానిని హైదరాబాద్ నుంచి ముంబైకి తరలించారు. అక్కడ చాలా కీలమైన సర్జరీ చేయగా.. అక్కడే కొద్దిరోజులు వైద్యలు పర్యవేక్షణలో ఉన్నారు.. కోలుకున్న తర్వాత తిరిగి హైదరాబాద్ వచ్చారు. అయితే కొడాలి నాని విదేశాలకు వెళ్లే అవకాశం ఉందనే ఊహాగానాలతో పోలీసులు లుకౌట్ నోటీసులు ఇచ్చారు. ఆ తర్వాత హైదరాబాద్‌లో జరిగిన ఓ ప్రైవేట్ ఫంక్షన్‌లో కొడాలి నాని కనిపించారు. మళ్లీ ఇన్నాళ్లకు గుడివాడ వచ్చారు.