రాష్ట్రంలోని రేషన్ కార్డుదారులకు ఓ బ్యాడ్ న్యూస్.. జులై నెలలో కూడా కందిపప్పు సరఫరా లేనట్లు తెలిసింది. మార్చి నెల నుంచి ఏపీలో రేషన్ కార్డుదారులకు కందిపప్పు సరఫరా ఆగిపోయింది. అయితే జులై నెలలో అయినా కందిపప్పు సరఫరా ఉంటుందని రేషన్ కార్డుదారులుు ఆశించారు. అయితే జులై నెలలో కూడా రేషన్ కార్డుదారులకు కందిపప్పు సరఫరా లేనట్లు సమాచారం. మరోవైపు వృద్ధులు, దివ్యాంగులకు ఇప్పటికే ఇంటి వద్దనే రేషన్ సరుకుల డెలివరీ జరుగుతోంది.
జులై నెల నుంచి రేషన్ కార్డుదారులకు బియ్యం, చక్కెరతో పాటుగా రాగులు, కందిపప్పు కూడా అందిస్తామని ప్రభుత్వం అప్పట్లో చెప్పింది. అయితే అమలుకు మాత్రం నోచుకోలేదు. జులై నెలకు సంబంధించి నిత్యావసరాలు ఇప్పటికే చేరుకోగా.. ఈసారి కూడా కందిపప్పు సరఫరా లేదని అధికారులు చెప్తున్నారు. రేషన్ దుకాణాల్లో కిలో కందిపప్పు రూ.67లకే పంపిణీ చేస్తారు. అదే మార్కెట్లో అయితే కనీసం రూ.120 చెల్లించాల్సి ఉంటుంది. ఈ నేపథ్యంలో రేషన్ షాపుల ద్వారా కందిపప్పు సరఫరా లేదని తెలిసి సామాన్య ప్రజానీకం అసంతృప్తి వ్యక్తం చేస్తున్నారు. వీలైనంత త్వరగా కందిపప్పు అందించాలని కోరుతున్నారు.
ఏపీలోని రేషన్ కార్డుదారులకు బ్యాడ్ న్యూస్.!
ఐదు రోజుల ముందే రేషన్ సరుకులు
మరోవైపు ఏపీలో వృద్ధులు, దివ్యాంగులకు జులై నెలకు సంబంధించి రేషన్ పంపిణీ అప్పుడే మొదలైపోయింది. ప్రతి నెలా ఒకటో తేదీ నుంచి 15వ తేదీ వరకూ ఆదివారాలు సహా రేషన్ షాపులు రెండు పూటలా అందుబాటులో ఉంచాలని రేషన్ డీలర్లను ప్రభుత్వం ఆదేశించిన సంగతి తెలిసిందే.
అయితే దివ్యాంగులు, వృద్ధులకు మాత్రం ఇంటి వద్దనే రేషన్ పంపిణీ చేస్తామని తెలిపింది. అందులో భాగంగా ఒకటో తేదీకి ఐదు రోజుల ముందే వృద్ధులు, దివ్యాంగులకు రేషన్ సరుకులు పంపిణీ చేస్తున్నారు. 65 ఏళ్లు దాటిన వృద్ధులు, దివ్యాంగులకు ఇంటివద్దే రేషన్ సరఫరా చేస్తున్నారు. వృద్ధులు, దివ్యాంగులకు ప్రతి నెలా 26 నుంచే రేషన్ సరుకులను ఇంటి వద్ద పంపిణీ చేయనున్నారు.
రచయిత గురించివంకం వెంకటరమణవంకం వెంకటరమణ సమయం తెలుగులో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ క్రీడావార్తలతో పాటు జాతీయ, అంతర్జాతీయ వ్యవహారాలకు సంబంధించిన తాజా వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 6 సంవత్సరాల అనుభవం ఉంది. గతంలో ప్రముఖ మీడియా సంస్థల్లో స్పోర్ట్స్, పొలిటికల్ న్యూస్, ఇతర రంగాలకు సంబంధించి వార్తలు రాశారు.… ఇంకా చదవండి
