Andhra Pradesh Free bus Travel Scheme For Women: ఏపీ ప్రభుత్వం మరో హామీ అమలుకు సిద్ధమైంది. ఆగస్ట్ 15 నుంచి ఏపీలోని మహిళలకు ఉచిత బస్సు ప్రయాణం హామీని అమలు చేస్తామని సీఎం చంద్రబాబు ప్రకటించిన సంగతి తెలిసిందే. ఈ నేపథ్యంలో ఉచిత బస్సు ప్రయాణం హామీ అమలుపై శనివారం అధికారులతో సీఎం నారా చంద్రబాబు నాయుడు సమీక్షా సమావేశం నిర్వహించారు. ఈ సందర్భంగా పథకం అమలుకు ఎన్ని బస్సులు అవసరం అవుతాయి.. ఎంతమంది మహిళలు ప్రయాణిస్తారనే వివరాలను సీఎం చంద్రబాబుకు అధికారులు వివరించారు.
*ఏపీలోని రేషన్ కార్డుదారులకు బ్యాడ్ న్యూస్.!
మహిళలకు ఉచిత బస్సు ప్రయాణం పథకం అమలు చేస్తే ఆర్టీసీ బస్సులో ఆక్యుపెన్సీ పెరుగుతుందని.. అందుకు తగినట్లుగా బస్సులు సంఖ్య పెంచుకునేలా చర్యలు తీసుకోవాలని అధికారులకు ముఖ్యమంత్రి చంద్రబాబు సూచించారు. ఇందుకోసం అవసరమైతే కొత్త బస్సులు కొనడం, లేదా అద్దెకు తీసుకోవడం చేయాలని సూచించారు. అలాగే ఇక మీదట ఆర్టీసీలో ప్రవేశపెట్టే బస్సులు అన్నీ కూడా.. ఎలక్ట్రిక్ ఏసీ బస్సులే ఉండాలని చంద్రబాబు స్పష్టం చేశారు. ఇప్పుడున్న బస్సులను కూడా ఎలక్ట్రిక్ వాహనాలుగా మార్చే అవకాశాలపై అధ్యయనం చేయాలని ఆదేశించారు. అలాగే ప్రతీ ఆర్టీసీ బస్సుకు జీపీఎస్ తప్పనిసరిగా అమర్చాలని సూచించారు.
ఆర్థికంగా ఇబ్బందులు ఉన్నప్పటికీ.. ప్రజలకు ఇచ్చిన హామీలు నిలబెట్టుకోవాల్సిన అవసరం ఉందని సీఎం నారా చంద్రబాబు నాయుడు అన్నారు. అయితే ప్రజాధనం సద్వినియోగం చేసుకోవాలని.. ప్రతీ రూపాయి విలువైనదేనని అన్నారు. ఆర్టీసీ ఆదాయ మార్గాలను పెంచుకోవాలని.. ఖర్చు ఎలా తగ్గించుకోవాలి, ఇతర మార్గాల ద్వారా ఆదాయాలను ఎలా పెంచుకోవాలనే దానిపై ఆలోచనలు చేయాలని చంద్రబాబు అధికారులకు సూచించారు.
*విద్యుత్ వినియోగదారులకు బిగ్ రిలీఫ్.. ఆ ఛార్జీలు రద్దు..
బస్టాండ్లలో టాయిలెట్లు పరిశుభ్రంగా ఉంచాలని.. ఏపీఎస్ఆర్టీసీ బస్సులపై ప్రయాణికుల్లో సంతృఫ్తి పెరిగేలా నిర్వహణ ఉండాలని స్పష్టం చేశారు. మరోవైపు బస్సుల కొనుగోలు గురించి కూడా చంద్రబాబు కీలక సూచనలు చేశారు. డీజిల్, ఎలక్ట్రికల్ వెహికల్, సీఎన్‌జీ, బ్యాటరీ స్వైపింగ్.. ఏ బస్సు కొనుగోలు చేసేందుకు, నిర్వహణకు ఎంత ఖర్చు అవుతుందనే ప్రతిపాదనలు రూపొందించాలని చంద్రబాబు సూచించారు.
*ఏపీలో వారందరికీ ట్యాబ్‌లు.. విజయవాడలో 500 మందికి పంపిణీ..
మరోవైపు మహిళలకు ఉచిత బస్సు ప్రయాణం పథకం అమలు చేయాలంటే ఏపీఎస్ఆర్టీసీకి మరో 2,536 బస్సులు అదనంగా అవసరం అవుతాయని.. రవాణా శాఖ అధికారులు సీఎంకు వివరించారు. ఇందుకోసం రూ.996 కోట్లు ఖర్చు అవుతుందని అంచనా వేశారు. ఏపీ జనాభా 5.25 కోట్లు అయితే.. మహిళలు 2.62 కోట్ల మంది ఉన్నారు. ఇక పల్లె వెలుగు, అల్ట్రా పల్లె వెలుగు, సిటీ బస్సుల్లో ఏటా 43.06 కోట్ల సార్లు మహిళలు ప్రయాణిస్తారని అదికారులు అంచనా వేస్తున్నారు. ఉచిత బస్సు ప్రయాణం అమలు చేస్తే ఈ సంఖ్య 75.51 కోట్లకు చేరుతుందని అధికారులు చంద్రబాబుకు వివరించారు.
ఏపీలో మహిళలకు ఉచిత బస్సు ప్రయాణం.. చంద్రబాబు కీలక సూచనలు..
ఇక ఎక్స్‌ప్రెస్, మెట్రో ఎక్స్‌ప్రెస్ బస్సుల విషయానికి వస్తే మహిళల ప్రయాణాల సంఖ్య ఏటా 6.85 కోట్లుగా ఉంది. పథకం అమలు చేస్తే ఈ సంఖ్య 13.39 కోట్లకు చేరుతుందని అధికారులు తెలిపారు. మొత్తంగా మహిళలకు ఉచిత బస్సు ప్రయాణం అమలు చేస్తే.. ఏడాదిలో 88.90 కోట్ల సార్లు మహిళలు ప్రయాణించే వీలుందని అంచనా. ఈ నేపథ్యంలో ఆక్యుపెన్సీకి తగిన విధంగా బస్సులు సమకూర్చుకోవాలని అధికారులను చంద్రబాబు ఆదేశించారు.
రచయిత గురించివంకం వెంకటరమణవంకం వెంకటరమణ సమయం తెలుగులో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ క్రీడావార్తలతో పాటు జాతీయ, అంతర్జాతీయ వ్యవహారాలకు సంబంధించిన తాజా వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 6 సంవత్సరాల అనుభవం ఉంది. గతంలో ప్రముఖ మీడియా సంస్థల్లో స్పోర్ట్స్, పొలిటికల్ న్యూస్, ఇతర రంగాలకు సంబంధించి వార్తలు రాశారు.… ఇంకా చదవండి
