అమరావతిలో కీలకమైన నడికుడి శ్రీకాళహస్తి రైల్వే ప్రాజెక్టులో కీలక అడుగు పడింది. ఈ మార్గంలోని న్యూ పిడుగురాళ్ల – శావల్యాపురం స్టేషన్ల మధ్య తొలిసారిగా రైలు కూత పెట్టనుంది. ఇప్పటి వరకూ ఈ మార్గంలో కేవలం గూడ్స్ రైళ్లే రాకపోకలు సాగించగా.. జులై 4 నుంచి ప్రత్యేక రైలు పరుగులు తీయనుంది. జులై 4 నుంచి జులై 26 వరకూ నాందేడ్ తిరుపతి ప్రత్యేక రైలు ఈ మార్గంలో రాకపోకలు సాగించనుంది. అయితే శావల్యాపురం రైల్వేస్టేషన్‌లో స్టాపింగ్ లేకపోవటంతో..రైలు నిలిపేలా చూడాలని స్థానికులు కోరుతున్నారు.
*రూ.50 చెల్లిస్తే ఏడాదంతా బస్సులో ఫ్రీ.. విద్యార్థులకు ఆర్టీసీ అద్భుత అవకాశం
ఈ క్రమంలోనే వారి ఆశలను నిజం చేస్తూ న్యూ పిడుగురాళ్ల- శావల్యపురం మార్గంలో రైలు పరుగులు తీయనుంది. జులై నాలుగో తేదీ నుంచి ఈ మార్గంలో ప్రతి శుక్రవారం రైలు పరుగులు తీయనుంది. జులై 4 నుంచి జులై 25వ తేదీ వరకు ప్రతి శుక్రవారం నాందేడ్ – తిరుపతి ప్రత్యేక రైలు ఈ మార్గం మీదుగా ప్రయాణించనుంది. అలాగే ప్రతి శనివారం తిరుపతి – నాందేడ్ రైలు ఈ రూట్లో నడవనుంది.
07189 నంబర్ గల ప్రత్యేక రైలు మహారాష్ట్రలోని నాందేడ్ నుంచి శుక్రవారం సాయంత్రం నాలుగు గంటల 30 నిమిషాలకు బయలుదేరనుంది. ఈ రైలు నడికుడి రైల్వేస్టేషన్‌కు రాత్రి 12.05 గంటలకు , పిడుగురాళ్లకి రాత్రి 12.30 గంటలకు , నెమలపురి రైల్వేస్టేషన్‌కు రాత్రి 01.00 గంటలకు , రొంపిచర్లకి రాత్రి 01.25 గంటలకు, వినుకొండకు 02.00 గంటలకు చేరుకుంటుంది. అలాగే మార్కాపురం, దొనకొండ, కంభం రైల్వేస్టేషన్, నంద్యాల మీదుగా శనివారం మధ్యాహ్నం 12.30 గంటలకు తిరుపతి రైల్వేస్టేషన్ చేరుకుంటుంది. ఈ రైలు ఇప్పుడు పిడుగురాళ్ల – శావల్యపురం మార్గంలో ప్రయాణించనుంది.
*ఒకే ఫ్రేములో వైఎస్ జగన్, పవన్ కళ్యాణ్.. అభిమాని కోరిక!
మరోవైపు ఇదే రైలు తిరుగు ప్రయాణంలో 07190 నంబర్‌తో తిరుపతి నుంచి బయల్దేరనుంది. జులై 5 నుంచి జులై 26 వరకూ ప్రతి శనివారం తిరుపతి రైల్వేస్టేషన్ నుంచి మధ్యాహ్నం 2.20 గంటలకు బయలుదేరనుంది. ఈ రైలు వినుకొండ రైల్వేస్టేషన్‌కు రాత్రి 10.05 గంటలకు, రొంపిచర్ల 10.25 గంటలకు, నెమలిపురి 10.35 గంటలకుకు, పిడుగురాళ్ల రైల్వేస్టేషన్‌కు10.45 గంటలకు, నడికుడి 11 గంటలకు, నాందేడ్‌కు ఆదివారం ఉదయం తొమ్మిదిన్నర గంటలకు చేరుకుంటుంది.
అయితే న్యూ పిడుగురాళ్ల – శావల్యాపురం రైల్వే మార్గంలో నాందేడ్- తిరుపతి ప్రత్యేక రైలు నడుస్తున్నప్పటికీ.. శావల్యాపురం రైల్వేస్టేషన్‌లో మాత్రం స్టాపింగ్ లేదు. దీంతో ఈ రైలును ఇక్కడ నిలిపేలా చూడాలని స్థానికులు కోరుతున్నారు.
రచయిత గురించివంకం వెంకటరమణవంకం వెంకటరమణ సమయం తెలుగులో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ క్రీడావార్తలతో పాటు జాతీయ, అంతర్జాతీయ వ్యవహారాలకు సంబంధించిన తాజా వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 6 సంవత్సరాల అనుభవం ఉంది. గతంలో ప్రముఖ మీడియా సంస్థల్లో స్పోర్ట్స్, పొలిటికల్ న్యూస్, ఇతర రంగాలకు సంబంధించి వార్తలు రాశారు.… ఇంకా చదవండి
