వైరల్‌ వీడియోలో.. కొన్ని ఏనుగులు రోడ్డుమీద వెళుతూ ఉండగా, వాటిలోని ఒక భారీ ఏనుగు మీద ఒక మావటి కూర్చుని ఉంటాడు. ఆ గుంపు వెనకే.. ఒక గున్న ఏనుగు పడుతూ లేస్తూ వెళుతూ కనిపిస్తుంది. అయితే, ఏనుగులకి సహజంగానే చెరుకు గడలంటే ఎంతో ఇష్టం కదా.. దీంతో.. ఆ గున్న ఏనుగు రోడ్డుమీద చెరుకు గడలు అమ్మే ఒక దుకాణాన్ని చూసి తడబడుతూ అక్కడికి వెళ్లింది. చిన్న పిల్లలు చాక్లెట్లు కొనుక్కోవటానికి వెళ్ళినప్పుడు.. ఫలానా చాక్లెట్ కావాలని ఎలా అక్కడి డబ్బాల వైపు చూపిస్తారా..సరిగ్గా.. మన గున్న ఏనుగు కూడా అక్కడున్న తాజా చెరుకు గడ వైపు తన చిట్టి తొండాన్ని చూపిస్తూ.. రిక్వెస్ట్ చేసింది. కళ్ల ముందే బోలెడు చెరుకు గడలున్నా.. వాటిని లాక్కొని తినకుండా బుద్దిగా.. తొండాన్ని చూపి.. రిక్వెస్ట్ చేస్తూనే నిలబడింది. ఒకవైపు, తన అమ్మ ఉన్న ఏనుగుల గుంపు దూరంగా వెళ్లిపోతుందనే కంగారు, మరోవైపు తియ్యటి చెరుకు గడ తినాలనే ఆశ.. ఈ రెండింటితో సతమవుతున్న ఆ బుల్లి ఏనుగు బాధ చూసిన ఆ దుకాణంలోని మహిళ.. బయటికొచ్చి మంచి చెరుకుగడను లాగి.. ఈ గున్న ఏనుగుకు ఇస్తుంది. దాన్ని తీసుకున్న ఆ గున్న ఏనుగు సంతోషాన్ని మాటల్లో చెప్పలేం. ఆ చెరుకు గడను నములుకుంటూ.. బుడిబుడి నడకలతో తల్లి ఉన్న ఏనుగుల గుంపు వద్దకు పరుగుతీసింది. ఈ వీడియోను మాజీ IFS అధికారి సుశాంత నందా సోషల్‌ మీడియాలో పోస్ట్‌ చేశారు. గున్న ఏనుగు ప్రదర్శించిన తీరుకు నెటిజన్లు ఫిదా అయిపోతూ ప్రశంసలు కురిపించారు.
మరిన్ని వీడియోల కోసం :
పుడమి తల్లికి రుతుచక్రం..కామాఖ్య తలుపులు ఆ 5 రోజులు మూసివేత వీడియో
