TDP Chief Chandrababu Warning To MLAs: టీడీపీ అధినేత, ముఖ్యమంత్రి నారా చంద్రబాబు నాయుడు 2029 ఎన్నికలే లక్ష్యంగా తెలుగుదేశం పార్టీ శ్రేణులకు దిశానిర్దేశం చేశారు. పనితీరు మెరుగుపరచుకోవాలని ఎమ్మెల్యేలు, ఎంపీలకు స్వీట్ వార్నింగ్ ఇచ్చారు. ప్రజల్లో ప్రభుత్వ పథకాలను వివరించాలని, సోషల్ మీడియాలో అప్రమత్తంగా ఉండాలని సూచించారు. పనితీరు బాగోని నేతలకు గుడ్ బై చెప్పేస్తానని చంద్రబాబు స్పష్టం చేశారు. అనవసరంగా విదేశీ పర్యటనలు వద్దని.. స్తానికంగా అందుబాటులో ఉండాలని సూచించారు.
*తీరనున్న ఏళ్లనాటి కల.. ఆ రూట్లో నడవనున్న రైలు.. వచ్చే నెల నుంచే..
ఈ సమావేశంలో మాట్లాడిన చంద్రబాబు.. టీడీపీ ఎమ్మెల్యేలు, ఎంపీలకు స్వీట్ వార్నింగ్ ఇచ్చారు. టీడీపీ విస్తృత స్థాయి సమావేశంలో ఎమ్మెల్యేలు, ఎమ్మెల్సీలు, ఎంపీలు, మంత్రులు, నియోజకవర్గ ఇన్‌ఛార్జ్‌లు పాల్గొన్నారు. ఈ సందర్భంగా వారికి చంద్రబాబు నాయుడు దిశానిర్దేశం చేశారు. పనితీరు బాగోలేని నేతలను ఎట్టిపరిస్థితుల్లోనూ ఉపేక్షించేది లేదని.. గుడ్ బై చెప్పేస్తామని వార్నింగ్ ఇచ్చారు.
*ఒకే ఫ్రేములో వైఎస్ జగన్, పవన్ కళ్యాణ్.. అభిమాని కోరిక!
అలా వెళ్తే టాటానే.. టీడీపీ నేతలకు చంద్రబాబు వార్నింగ్..
2029 ఎన్నికలే తన టార్గెట్ అంటూ చంద్రబాబు ఈ సందర్భంగా స్పష్టం చేశారు. వైసీపీ దారుణ రాజకీయాలకు పాల్పడుతోందని.. ప్రజలకు నేతలు వాస్తవాలు వివరించాలని చంద్రబాబు సూచించారు. ఇక సోషల్ మీడియాతో మరింత జాగ్రత్తగా ఉండాలన్న చంద్రబాబు.. సోషల్ మీడియాలో అభ్యంతరకర పోస్టులతో వ్యక్తిత్వ హననం జరుగుతోందని అన్నారు. టీడీపీ కూటమి అధికారంలోకి వచ్చి ఏడాది పూర్తైందన్న చంద్రబాబు.. రెండో సంవత్సరంలోకి అడుగుపెట్టామన్నారు. ఇప్పటి నుంచి నెల రోజుల పాటు ప్రతి ఇంటికి వెళ్లాలని, ప్రభుత్వం చేసిన మంచిని వివరించాలని చంద్రబాబు నేతలకు స్పష్టం చేశారు. వచ్చే ఎన్నికలే లక్ష్యంగా ఇప్పటి నుంచి పనిచేయాలని.. పనితీరు బాగోలేకుంటే నిర్మొహమాటం లేకుండా పక్కనబెట్టేస్తానని స్పష్టం చేశారు.
*రూ.50 చెల్లిస్తే ఏడాదంతా బస్సులో ఫ్రీ.. విద్యార్థులకు ఆర్టీసీ అద్భుత అవకాశం
వచ్చే ఎన్నికలకు కౌంట్ డౌన్ పెట్టుకుని పనిచేయాలన్న చంద్రబాబు.. తానా, ఆటా అంటూ విదేశీ పర్యటనలు వద్దని నేతలకు స్పష్టం చేశారు. అలా వెళ్తే వారికి టాటా చెప్పేస్తానని వార్నింగ్ ఇచ్చారు. “నిన్నటి నుంచే మొదలుపెట్టా. ఇప్పటికే నలుగురు ఎమ్మెల్యేలను పిలిచి మాట్లాడాను. వన్ టూ వన్ మాట్లాడుతున్నా. అవసరమైతే ప్రతి రోజూ ఓ గంట కేటాయిస్తా. ఓ నలుగురితో మాట్లాడుతా. మీరు చెప్పింది వింటా. ఏవైనా ఉంటే నిర్మొహమాటంగా చెప్తా. మిమ్మల్ని గైడ్ చేస్తా. మారితే శుభం, మారకపోతే ఏ విధంగా ముందుకు పోవాలో ఆ విధంగా ముందుకుపోదాం. ఎవ్వరి విషయంలోనూ మొహమాటం లేదు. పూర్తి క్లారిటీతో ఉన్నా.” అంటూ చంద్రబాబు స్వీట్ వార్నింగ్ ఇచ్చారు.
రచయిత గురించివంకం వెంకటరమణవంకం వెంకటరమణ సమయం తెలుగులో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ క్రీడావార్తలతో పాటు జాతీయ, అంతర్జాతీయ వ్యవహారాలకు సంబంధించిన తాజా వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 6 సంవత్సరాల అనుభవం ఉంది. గతంలో ప్రముఖ మీడియా సంస్థల్లో స్పోర్ట్స్, పొలిటికల్ న్యూస్, ఇతర రంగాలకు సంబంధించి వార్తలు రాశారు.… ఇంకా చదవండి
