Cockroach In Srisailam Laddu,శ్రీశైలం లడ్డూ ప్రసాదంలో బొద్దింక.. శివ.. శివా! – srisailam laddu prasadam cockroach incident goes viral

మరోవైపు శ్రీశైలం లడ్డూలో బొద్దింక కనిపించడంపై భక్తులు మండిపడుతున్నారు. పవిత్రమైన లడ్డూలో ఇదేంటని.. కారకులైన వారిపై కఠిన చర్యలు తీసుకోవాలని కోరుతున్నారు. మరోవైపు ఈ ఘటనపై శ్రీశైలం దేవస్థానం ఈవో స్పందించారు. ఈ ఘటన నిజంగానే జరిగిందా లేదా ఎవరైనా కావాలనే దుష్ప్రచారం చేస్తున్నారనే దానిని పరిశీలిస్తున్నట్లు తెలిపారు. ఇందుకోసం సీసీటీవీ ఫుటేజీని పరిశీలిస్తున్నట్లు శ్రీశైలం ఈవో వెల్లడించారు.

మరోవైపు నల్లమల్ల అడవుల్లో కొలువైన శ్రీశైలం.. ప్రముఖ శైవక్షేత్రంగా ప్రసిద్ధి పొందింది. ఈ ఆలయం 12 జ్యోతిర్లింగాలలో ఒకటిగా, 18 అష్టాదశ శక్తి పీఠాలలో ఒకటిగా పురాణాలు చెప్తున్నాయి. శ్రీశైలం దేవాలయాన్ని ద్రావిడ శైలిలో నిర్మించారు. ఈ ఆలయంలో నాలుగు గోపురాలు, శిల్పకళాఖండాలతో అలంకరించబడిన ముఖమండపం, నందికేశ్వర విగ్రహం ఉన్నాయి. శ్రీశైలంలో స్వామివారి దర్శనం, రుద్రాభిషేకం, ఇతర సేవలకు ఆన్‌లైన్ టికెట్ బుకింగ్ సౌకర్యం ఉంది. శ్రీశైలం గర్భగుడిలో ప్రవేశించాలంటే సాంప్రదాయ దుస్తులు తప్పనిసరి. మహాశివరాత్రి సమయంలో 11 రోజుల పాటు శ్రీశైలంలో బ్రహ్మోత్సవాలు జరుగుతాయి. అలాగే శ్రావణ మాసం, దసరా ఉత్సవాలు ఘనంగా జరుగుతాయి. శ్రీశైలం వచ్చే భక్తుల కోసం దేవస్థానం కాటేజీలు, ధర్మశాలలు అందుబాటులో ఉన్నాయి.

మరోవైపు ఇటీవల శ్రీశైలంలో బులెట్లు, బాంబులు కలకలం రేపిన సంగతి తెలిసిందే. ఆలయానికి సమీపంలోనే ఇవి బయటపడటం సంచలనం రేపింది. అయితే ఓ పోలీస్ సిబ్బంది వీటిని అక్కడ మరిచిపోయినట్లు తర్వాత విచారణలో వెల్లడైంది. అయితే ఈ ఘటన మాత్రం స్థానికంగా కలకలం రేపింది.