విశాఖ జాలర్ల వలకు అరుదైన లాబ్స్టర్లు పడ్డాయి. దీంతో మత్స్యకారులు సంబరపడుతున్నారు. లాబ్‌స్టర్ చూడటానికి రొయ్యను పోలి ఉంటుంది. విదేశాల్లో లాబ్‌స్టర్ మాంసానికి గిరాకీ ఎక్కువ. దీంతో వీటికి భారీ డిమాండ్ ఉంది. ఇక మత్స్యకారుల వలలో రెండు పెద్ద లాబ్స్టర్లు పడ్డాయి. ఒక్కోటి కిలో బరువు ఉన్నట్లు జాలర్లు చెప్తున్నారు. వీటిని ఒక్కోదానిని కిలో రూ.2000 చొప్పున విక్రయించారు. మరోవైపు లాబ్‌స్టర్ మాంసంలో పోషక విలువలు ఎక్కువగా ఉంటాయని.. అందుకే వీటి మాంసానికి డిమాండ్ ఎక్కువని జాలర్లు చెప్తున్నారు.
*శ్రీశైలం వెళ్లే భక్తులకు ముఖ్య గమనిక.. ఆ ఆలయం 3 నెలలు మూసివేత..
లాబ్స్టర్లకు గట్టి బాహ్య కవచం, రెండు పెద్ద పట్టెడలు, పొడవాటి ఆంటెన్నా, బలమైన తోక ఉంటాయి. లాబ్‌స్టర్ చూడటానికి అచ్చం రొయ్యలాగే కనిపిస్తుంది. సముద్ర గర్భంలో రాళ్లు, మూలల్లో నివసిస్తాయి. రాత్రి సమయంలో ఎక్కువగా చురుకుగా ఉంటాయి. లాబ్స్టర్లు సర్వభక్షక జీవులు. చిన్న చేపలు, మొలస్క్‌లు, సముద్ర మొక్కలను ఆహారంగా తీసుకుంటూ ఉంటాయి.
విశాఖ: జాలర్ల వలకు చిక్కిన అరుదైన జీవి.. ఈ లాబ్‌స్టర్ అంత తోపా.. అంత రేటా?
లాబ్‌స్టర్‌లో ప్రోటీన్, ఒమేగా-3 ఫ్యాటీ యాసిడ్‌లు, విటమిన్ B12, మరియు జింక్ ఎక్కువగా ఉంటాయి. అందుకే వీటి మాంసానికి విదేశాల్లో డిమాండ్ ఎక్కువ. లాబ్‌స్టర్ మాంసంలో అధికంగా ప్రొటీన్ ఉంటుంది, ఇది మానవ శరీరంలోని కండరాల అభివృద్ధికి తోడ్పడుతుంది. ఓమెగా-3 ఫ్యాటీ ఆసిడ్స్ గుండె ఆరోగ్యాన్ని మెరుగుపరచడంలో సహాయపడుతుంది. రక్తపోటును నియంత్రించడంలో తోడ్పడుతుంది.
*ఏపీలోని మందుబాబులకు గుడ్ న్యూస్.. ఇక నో టెన్షన్!
లాబ్‌స్టర్‌లో విటమిన్ B12 అధికంగా ఉంటుంది, ఇది నర్వ్ ఫంక్షనింగ్‌కు, ఎర్ర రక్తకణాల ఉత్పత్తికి ఉపయోగపడుతుంది. లాబ్‌స్టర్‌లో ఉండే జింక్, సెలీనియం, ఫాస్ఫరస్ శరీరంలో రోగనిరోధక శక్తిని పెంచడంలో, థైరాయిడ్ ఫంక్షన్‌ను సరిచేయడంలో ఉపయోగపడతాయని నిపుణులు చెప్తున్నారు. ఇతర చేపలతో పోల్చితే లాబ్‌స్టర్‌లలో తక్కువ కొవ్వుఉంటుందని చెప్తున్నారు. అందుకే అంతర్జాతీయ మార్కెట్లో లాబ్స్టర్లకు డిమాండ్ అధికంగా ఉంటుందని వివరిస్తున్నారు.
రచయిత గురించివంకం వెంకటరమణవంకం వెంకటరమణ సమయం తెలుగులో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ క్రీడావార్తలతో పాటు జాతీయ, అంతర్జాతీయ వ్యవహారాలకు సంబంధించిన తాజా వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 6 సంవత్సరాల అనుభవం ఉంది. గతంలో ప్రముఖ మీడియా సంస్థల్లో స్పోర్ట్స్, పొలిటికల్ న్యూస్, ఇతర రంగాలకు సంబంధించి వార్తలు రాశారు.… ఇంకా చదవండి
