Non Veg Hotel Tirumala Temple Theme,తిరుమల శ్రీవారి ఆలయ నమూనాతో నాన్ వెజ్ హోటల్.. ఏందయ్యా ఇది? – non veg hotel with the theme of tirumala srivari temple controversy janasena complaint to ttd

*తిరుమల శ్రీవారి భక్తులకు ఉచితంగా.. రూపాయి కట్టక్కర్లేదు.! టీటీడీ కొత్త ఆలోచన..

ఈ విషయమై తిరుపతి జనసేన ఇంఛార్జి కిరణ్ రాయల్ తిరుమల తిరుపతి దేవస్థానానికి ఫిర్యాదు చేశారు. టీటీడీ ఈవో శ్యామలరావు, టీటీడీ ఛైర్మన్ బీఆర్ నాయుడును కలిసి ఈ హోటల్ మీద చర్యలు తీసుకోవాలని విజ్ఞప్తి చేశారు. పవిత్రమైన తిరుమల శ్రీవారి ఆలయాన్ని ఇలా వ్యాపారం కోసంవ వాడుకోవటం దారుణమని కిరణ్ రాయల్ మండిపడుతున్నారు. దీనిపై వెంటనే చర్యలు తీసుకోవాలని.. లేకపోతే హోటల్ వద్ద ఆందోళన చేపడతామని కిరణ్ రాయల్ తెలిపారు. ఇలాంటివి పునరావృతం కాకుండా చర్యలు తీసుకోవాలని.. పర్యవేక్షణ కోసం టీటీడీ స్పెషల్ వింగ్ ఏర్పాటు చేయాలని కిరణ్ రాయల్ కోరారు.మరోవైపు తిరుమల శ్రీవారి గర్భాలయం.. ప్రతి హిందువు గుండె లోతుల్లో నిలిచే పవిత్ర స్థలమని.. అలాంటి నమూనాతో హోటల్ నిర్మించి.. ఇలా మాంసాహారం వడ్డించడం శ్రీవారి భక్తుల మనోభావాలను దెబ్బతీయడమేనని శ్రీవారి భక్తులు మండిపడుతున్నారు.

*తిరుమలలో షాకింగ్ ఘటన.. చూస్తుండగానే కాలిపోయిన కారు..

మరోవైపు శ్రీవారి భక్తుల ఆందోళనపై రాయుడు మిలిటరీ హోటల్ యాజమాన్యం స్పందించింది. తాము శ్రీవారి గర్భాలయం నమూనా ఏర్పాటు చేసినప్పటికీ.. నాన్ వెజ్ వంటకాలు వాటి ఎదురుగా వడ్డించడం లేదని తెలిపింది. శ్రీవారి గర్భాలయం నమూనా ఎదురుగా ఉన్న టేబుల్స్, పక్కనే ఉన్న టేబుళ్లపై కేవలం వెజ్ వంటకాలు మాత్రమే వడ్డిస్తున్నట్లు తెలిపింది.

తిరుమలలో ఎలాంటి ఆధ్యాత్మిక వాతావరణంలో భోజనం చేస్తున్నారో.. అలాంటి వాతావరణం కల్పించాలనే ఉద్దేశంతోనే ఈ నమూనాతో హోటల్ నిర్మించినట్లు రాయుడు మిలిటరీ హోటల్ నిర్వాహకులు చెప్తున్నారు. టీటీడీకి ఫిర్యాదు చేరిన నేపథ్యంలో.. తిరుమల తిరుపతి దేవస్థానం అధికారులు ఎలాంటి నిర్ణయం తీసుకుంటారో చూడాలి మరి.