Annadata Sukhibhava Scheme 2025 Status Check,అన్నదాత సుఖీభవ పథకం అర్హుల లిస్ట్.. స్టేటస్‌ ఇలా చెక్ చేస్కోండి, మీ పేరు లేకపోతే ఇలా చేయండి.. జులై 13 వరకు ఛాన్స్ – annadata sukhibhava scheme 2025 eligibility list in rythu seva kendrams and farmers who are not list can complaint till july 13th

రైతులు అన్నదాత సుఖీభవ పథకానికి సంబంధించిన పోర్టల్‌, మన మిత్ర వాట్సాప్‌లో ఆధార్‌ నంబర్‌ ద్వారా అర్హత ఉందో లేదో తెలుసుకోవచ్చు. ఈ మేరకు మన మిత్ర వాట్సప్‌ నంబర్‌ 95523 00009కు ఆధార్‌ నంబర్‌ను పంపితే వివరాలు వస్తాయి. ఒకవేళ అర్హుల జాబితాలో రైతు పేరు లేకపోతే.. అర్హత ఉందని భావిస్తే రైతు సేవా కేంద్రంలో అర్జీతో పాటు అవసరమైన పత్రాలు సమర్పించాలని అధికారులు సూచిస్తున్నారు. అలాగే రైతులు అన్నదాత సుఖీభవ పోర్టల్‌లోని గ్రీవెన్స్‌ మాడ్యూల్‌లో కూడా ఫిర్యాదు చేయొచ్చు. ఈనెల 13 ఫిర్యాదు చేయొచ్చని.. ఈ సమాచారం రైతులకు వివరించాలని ఉద్యోగులు ముమ్మర ప్రచారం చేయాలి అన్నారు వ్యవసాయశాఖ డైరెక్టర్ ఢిల్లీరావు. రైతులు ఈ విషయాన్ని గమనించాలని కూడా సూచించారు. రైతులు అర్హుల జాబితాలో పేరు లేకపోతే వెంటనే ఈ ప్రక్రియను పూర్తి చేయాలని సూచించారు.

ఎన్నికల సమయంలో ఇచ్చిన హామీ ప్రకారం.. ఆంధ్రప్రదేశ్ ప్రభుత్వం అన్నదాత సుఖీభవ, పీఎం కిసాన్ పథకాలను కలిపి అమలు చేస్తోంది. రైతులకు పెట్టుబడి సాయం అందిస్తోంది.. ఈ పథకం కింద రైతులకు ఏడాదికి రూ. 20 వేలు ఇస్తారు. కేంద్రం రూ. 6 వేలకు.. ఏపీ ప్రభుత్వం రూ. 14 వేలు కలిపి రూ.20వేలు అందజేస్తారు.ఈ డబ్బును మూడు విడతలుగా రైతుల ఖాతాల్లో జమ చేస్తారు. ఈ నెలలోనే మొదటి విడత డబ్బు విడుదల కానుంది. చిన్న రైతులు, కౌలు రైతులు ఈ పథకం ద్వారా లాభం పొందుతారు. పీఎం కిసాన్ డబ్బు విడుదల చేసే సమయంలోనే అన్నదాత సుఖీభవ పథకానికి సంబంధించిన డబ్బులు కూడా విడుదల చేయాలని ప్రభుత్వం నిర్ణయించింది. ఈ నెలలోనే ఏపీ రైతులకు డబ్బులు విడుదల చేయాలని నిర్ణయించారు.. ఈనెలలో తొలి విడత కింద రూ.7వేలు చొప్పున అకౌంట్‌లలో జమ చేయనున్నారు.