Annamayya Walkway To Tirumala Restrictions: అన్నమయ్య కాలిబాట ద్వారా తిరుమలకు వెళ్తున్న వెయ్యి మంది భక్తులను అటవీశాఖ అధికారులు అటవీ ప్రాంతంలో ఏనుగుల సంచారం కారణంగా అడ్డుకున్నారు. రైల్వే కోడూరు, కమలాపురం నుంచి వస్తున్న భక్తులను అనుమతించలేదు. పూర్వం అన్నమాచార్యులు నడిచిన ఈ మార్గాన్ని అభివృద్ధి చేయాలని భక్తులు కోరుతున్నారు. ఎమ్మెల్యే ఆకేపాటి అమర్నాథ్ రెడ్డి సైతం ఈ మార్గం గుండా తిరుమలకు వెళ్లేవారు. ప్రస్తుతం భద్రతా కారణాల దృష్ట్యా అనుమతి నిరాకరించారు.
హైలైట్:
- అన్నమయ్య కాలిబాటలో తిరుమలకు భక్తులు
- వారిని అడ్డుకున్న అటవీశాఖ అధికారులు
- అనుమతి లేదు.. వెనక్కు వెళ్లిపోవాలని చెప్పారు
తిరుమల దర్శనం కోసం ఆ భక్తుడు ఏం చేశాడో చూశారా.. చివరికి క్షమాపణలు చెప్పాడుగా..!
ఈ కాలిబాటను అభివృద్ధి చేయాలని చాలా కాలంగా డిమాండ్ ఉంది. గతంలో దీని గురించి TTD ఆలోచించగా.. చర్చలు కూడా జరిగాయి. ఈ రూట్‌లో మామండూరు-బాలపల్లె మధ్య స్వామిపాదాల నుంచి తిరుమల కాలిబాట మొదలవుతుంది. ఈ దారిలో పక్షుల కిలకిల రావాలు, సెలయేళ్లు, మంచి వాతావరణం ఉంటాయి. అవ్వతాతగుట్టలు, శుక్రవారం బండలు, పాత సత్రాలు, ఎర్రిగుంటలు, ఈతకాయల మండపం మీదుగా గోగర్భతీర్థం (తిరుమల) చేరుకోవచ్చు. ఈ కాలిబాట సుమారు 14 కిలోమీటర్ల దూరం పూర్తిగా అడవిలో ఉంటుంది. పూర్వం ఇక్కడ పాదాలు, కోనేరు, సత్రాలు ఉండేవి. కానీ ఇప్పుడు అవి కనుమరుగయ్యాయి. గతంలో చాలామంది భక్తులు ఈ దారి గుండా తిరుమలకు వెళ్లేవారు. ఇప్పుడు తిరుపతి నుంచి ఏడుకొండల మీదుగా తిరుమల చేరుకుంటున్నారు. ప్రస్తుతం అన్నమయ్య జిల్లా రాజంపేట ఎమ్మెల్యేగా ఉన్న ఆకేపాటి అమర్నాథ్ రెడ్డి ప్రతి ఏటా స్థానికులు, భక్తులతో కలిసి ఈ మార్గంలోనే తిరుమలకు చేరుకునేవారు. అయితే ప్రస్తుతం ఏనుగుల గుంపు తిరుగుతుండటంతో భక్తులు ఈ మార్గం నుంచి వెళ్లొద్దని సూచిస్తున్నారు.
రచయిత గురించితిరుమల బాబుతిరుమల బాబు సమయం తెలుగులో సీనియర్ డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ ఏపీ, తెలంగాణకు సంబంధించిన తాజా వార్తలు, రాజకీయ వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 11 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్ న్యూస్, ఇతర రంగాలకు సంబంధించి వార్తలు రాశారు.… ఇంకా చదవండి
